SER UÑA E CARNE 

Significado: Ser moi amigos, ser confidentes, levarse moi ben.

Exemplo: Non se separan en todo o día: son uña e carne. 

POÑERSE A CARNE DE GALIÑA 

Significado: Expresión que se utiliza para indicar que sentes frío, medo. Tamén para indicar que algo te emociona. 

Exemplo: As palabras que pronunciou puxéronme a carne de galiña e saín de alí a correr. 

POÑER TODA A CARNE NO ESPETO

Significado: Arriscar todo para conseguir algo.

Exemplo: Con esa decisión de abrir o negocio puxo toda a carne no espeto: investiu todo canto tiña. 

ESTAR COMA PEIXE NA AUGA 

Significado: Estar moi cómodo nunha determinada situación ou medio, ben integrado.

Exemplo: Co que lle gusta falar, nese traballo de locutora está coma peixe na auga. 

MAREAR O PEIXE

Significado: Darlle voltas a un asunto sen solución, dar rodeos, perder o tempo 

Exemplo: Non marees máis o peixe: a decisión está tomada e non a imos cambiar.