ESTAR COA MOSCA DETRÁS DA ORELLA 

Significado: Sospeitar algo

Exemplo: Queredes darlle unha sorpresa polo aniversario, pero eu coido que anda coa mosca detrás da orella. 

PAPAR MOSCAS

Significado: Perder o tempo

Exemplo: En vez de aproveitar o tempo, andas a papar moscas. 

SER UNHA MOSCA MORTA 

Significado: Aparentar bondade, cando en realidade se agocha malicia. 

Exemplo: Coidado con el! Parece unha mosquiña morta, pero non é de fiar. 

BUFAR COMA UN GATO 

Significado: rosmar, protestar por algo. 

Exemplo: Nada che convén, o único que fas e bufar coma un gato todo o día. 

SER CATRO GATOS 

Significado: ser pouca xente nun sitio, dise dun lugar pouco concorrido.

Exemplo: No concerto, ao ser un luns, eramos catro gatos.