Agora xa coñecemos como regular a velocidade dos eventos que crearemos. O seguinte que pode ser moi útil é facer un contador. Un contador o que faría é ir dándonos números sucesivamente empezando en 0, pero partindo desta idea tan simple podemos xogar a que, por exemplo, conte dende un número a outro e repita a conta se nos interesase.

Logo veremos como isto nos permitirá organizar secuencias de eventos que se repiten cada certo tempo, por exemplo en bucle, especialmente interesante se traballamos con ritmo.

Pero imos empezar pola creación dun contador sinxelo.

Agora que xa viches nas leccións anterior como crear obxectos e conectalos comprenderás isto con mais facilidade.

O que temos que facer é:

1. Crear un Bang; menú /Poner e escollemos /Bang

2. Crear un obxecto; menú /Poner, escollemos /Objeto e escribimos f

3. Crear unha operación matemática que sume 1; menú /Poner, escollemos /Objeto e escribimos + 1

4. Crear unha caixa de Número; menú /Poner, escollemos /Número

5. Conectamos a saída de Bang á entrada esquerda de f, a saída de f á entrada esquerda de + 1 a saída de + 1 á entrada dereita de f e, por último a saída de f  á entrada da caixa número.

6. Saímos de modo edición e facemos clic no botón Bang

Se queres podes descargar este contador aquí.

Pode parecer algo complexo pero o funcionamento é bastante sinxelo cando o entendemos.

O corazón do noso sistema é o obxecto f que o único que fai é almacenar un número que devolve cada vez que llo pedimos enviándolle un valor pola entrada esquerda.

Por defecto ten almacenado 0, pero eu podo cambiar ese número na caixa se lle mando outro valor na súa entrada dereita. A partir dese momento substitúe o 0 polo novo valor e cada vez que facemos clic no Bang devolve ese número.

Se volvemos ao noso primeiro patch do contador o que estamos facendo é crear un bucle no que o número que devolve o obxecto f pasa por unha caixa na que se lle suma 1 e ese novo valor cambia o número que está almacenado na caixa que ao saír volve a pasar pola suma, e así sucesivamente incrementando en cada paso un número novo.

¿Sabería como facer para que a conta volvera reiniciarse poñendo o contador a 0? ¿Saberías como escoller un novo número a partir de cal ten que empezar a conta?

Aquí tes a solución.

Agora o seguinte paso sería automatizar o noso contador para que non teñamos que darlle a clic cada vez que queiramos que nos devolva un número ¿Se te ocurre como poderíamos facer isto co que xa sabemos? ¿Quizás utilizando o obxecto metro?

Proba a ser se es capaz de programalo ti e se ves que tes dúbidas sempre podes ver a solución descargando este patch xa feito.

Pero pode que nos interese que o noso contador non vaia ata o infinito, se non que chegado certo número empece a contar de novo. Por exemplo que vaia de 0 a 9 e volva a empezar. Logo veremos que isto pode ser moi útil cando traballamos con ritmos musicais xa que moitas veces se basean en repetición de patróns que se repiten igual ou con pequenas variacións.

Para facer isto habería moitas formas pero quizás o mais sinxelo é utilizar un obxecto que se chama mod, de módulo.

Explicado de xeito rápido o módulo é o resto dunha división. Sería algo así:

Se queres podes decargar o patch podes encontralo aquí.

Agora podes probar de novo a conectarlle o metrónomo para que o faga automaticamente. Tenta facelo ti e se non o consegues podes descargar o patch neste link.