Reescribimos un conto

De xeito individual o alumnado elixirá un dos contos analizados na primeira actividade para proceder a reescribilo.

• Darase lectura, en gran grupo, ás versións resultantes de cada conto.

Valor da reescritura

A reescritura dun texto coñecido - neste caso un conto – libera ao alumnado da invención do contido xa que a historia é coñecida e permite centrar a súa atención e esforzo na forma do texto. Promove ademais un vínculo co texto fonte e as súas correspondentes versións que os inspira a crear unha nova.

Este proceso de lectura e comparación de versións posibilita a elaboración de múltiples escritos de traballo, en diferentes modalidades (por parella, individual), antes de chegar ao produto final. Esta proposta de producir a reescritura dun conto coñecido (que pode ser por ditado á persoa docente) supón para o alumnado establecer fortes relacións  entre a lectura e a escritura. Trátase dunha situación de “ler para escribir” onde a lectura ofrece información para resolver problemas específicos que formula a escritura e que varían en función do tipo de texto que se quere producir. Por exemplo, si se trata de reescribir Carapuchiña Vermella: como indicar á persoa lectora que Carapuchiña e o Lobo están falando, como transmitir os enganos lo lobo, como evitar repetir moitas veces Carapuchiña cando non é necesario facelo.

Durante a secuencia deséñanse  situacións de escritura que brindan oportunidades ás nenas e nenos para que se desenvolvan como escritores aínda que as súas producións non sexan totalmente convencionais

Elixirán libremente e será unha avaliación inicial que nos axudará a comprobar o seu punto de partida e coñecementos en canto a algúns aspectos relevantes nos que queremos incidir: personaxes e estrutura.