Fórmulas fixas
Recompilación e posta en común de fórmulas fixas de inicio e final
Os contos teñen diferentes fórmulas fixas de inicio e de fin. Imos recopilar algunhas a través de diferentes fontes: consultando os libros da biblioteca, preguntando ás familias ou buscando en internet.
ACTIVIDADE 1: Elaboración dunha nota para as familias
A persoa titora escribirá o texto que de xeito colaborativo elaboramos entre todos. Trátase de involucrar ás familias logrando así unha maior motivación por parte do alumnado.
Consulta un modelo de exemplo (pdf - 17270 B)(versión editable)
ACTIVIDADE 2: Recompilación de fórmulas fixas na biblioteca
Por parellas, na biblioteca, revisar e recopilar as fórmulas fixas de inicio e final dunha selección de contos realizada pola persoa docente.
A continuación presentamos unha proposta de selección con libros que conteñen fórmulas fixas de inicio e final:
- Boer, Joan de / Darne, Txell (2005), O sultán e os ratos. OQO Editora
- Alonso García, Tareixa (2005) O anano saltareiro. Kalandraka Editora.
- López Parreño, J. Antonio (2002) A ratiña presumida. Kalandraka Editora.
- Colección Os contos do Trasno, Kalandraka
- Mejuto Rial, Eva (2004) A casa da mosca chosca.Kalandraka Editora
- Rubio, Antonio / Ferrer, Isidro / Núñez, Marisa (2004) A Merliña. Kalandraka Editora
- Ballesteros, Xosé (1999) O coelliño branco. Kalandraka Editora.
- Presunto, Ana / Suárez, Iván (2006) Bola de Manteiga. OQO Editora
- Bladé i Pinyol, Domènec (2000) Hansel e Gretel. Didaco.
- Bladé i Pinyol, Domènec (2000) Isis e Osiris. Didaco.
- Bladé i Pinyol, Domènec (2000) O califa Cegoña. Didaco.
- Bladé i Pinyol, Domènec (2000) A dama e o león. Didaco.
- Coleccións: Colección Cuentos de la Media Lunita, de Rodríguez Almodóvar, Antonio:
- El mono caprichoso
- La niña del zurrón
- De penca en penca
- La princesa muda
- Los doce ladrones
- Mariquilla ríe perlas
- La zorra y el lobo
- Periquín y la bruja Curuja
Modelo para a recollida de fórmulas fixas elaborado polo alumnado
Entregar este modelo ao alumnado para a recollida de fórmulas fixas, tendo en conta que é posible á súa adaptación previa por parte do docente co software LibreOffice Writer
ACTIVIDADE 3: Posta en común
Recoller as fórmulas fixas recopiladas nun panel expositor visible durante o desenvolvemento de toda a secuencia.
Exemplificación do resultado da actividade
Fórmulas fixas
De inicio:
- Había unha vez...
- Érase unha vez…
- Nun afastado país…
- Érase que se era…
- Érase unha vez e mentira non é…
- Contan que contan que me contaron…
- Fai máis de mil anos…
- En tempos de Mari Castaña…
- Fai moito, moito tempo…
- Contan os que o viron…
- Aquel que o veu , chegou e contoume que…
- Para saber e contar, e contar para aprender…
- Tes que saber para contar e entender para saber que isto era…
- Cando os animais falaban…
- Detrás das sete montañas, detrás dos sete ríos…
- Cando as ras tiñan pelo e as galiñas dentes…
- Esto que che conto sucedeu nun lugar tan afastado e fai tanto tempo que xa case nin me acordo…
- Fai máis de mil anos…
- Unha vez eu sabía un conto pero quedouse dentro e non me acordó, vou ver si sae outra vez…
De final:
- Colorín colorado, este conto está rematado.
- Foron felices e comeron perdices.
- Esto foi verdade e non minto, como mo contaron, conteino.
- E que non o queira crer, que o vaia a ver.
- E esta historia rematou e o vento a levou
- Foron felices e comeron perdices e a min non me deron porque non quixeron.
- E como di Don Fermín, este conto chegou ao seu fin.
- Colorín colorado, este conto está rematado, e quen non levante o cu quédalle pegado.
- Colorín colorado, este conto está rematado, si queres que cho conte outra vez pecha os ollos e conta ata tres.
- Colorín colorado, este conto está rematado, si queres que cho conte outra vez di que si e grita.
- E foron felices e comeron perdices e a min déronme cun óso nas narices.
- E este conto rematou e o vento o levou e cando o volva a atopar, volvereicho a contar.
Licenciado baixo a Licenza Creative Commons Recoñecemento Compartir igual 4.0