Escritura final, maquetación e publicación

Escritura final

Na escritura final o alumnado aplicará todas as estratexias aprendidas ao longo da secuencia e incorporará as melloras derivadas da revisión realizada por un compañeiro e a persoa docente.

Será a elección do docente que o texto final sexa manuscrito ou escrito nun procesador de textos dixital (ex. LibreOffice Writer). Para isto propoñemos reflexionar sobre os seguintes elementos:

• A dificultade de lexibilidade, independientemente da súa calidade, que presentan os textos graficados polo alumnado fronte a aqueles escritos nun procesador.
• As dificultades caligráficas dalgúns nenos eclipsan a calidade textual do seu produto. Procesalo nun ordenador permite percibir a evolución en aspectos tales como a estrutura, definición das personaxes, tempo e espazo, et; elementos que facilmente quedan desfigurados por unha presentación ilexible.
• O procesador de texto elimina algunhas dificultades referidas ao sistema de escritura, como a caligrafía, pero evidencia outras como a separación de palabras.

Insistimos nos postulados de Daniel Cassany para evidenciar o número elevado de actividades que se desenvolven nas aulas, por parte do alumnado, e que levan como requisito imposto eliminar a presenza de erros nas súas producións,

Los errores son inevitables y no son necesariamente perniciosos para el aprendizaje. Al contrario, es una parte normal del proceso de desarrollo de competencia (el alumno infiere la regla –la comprueba – se equivoca- la reformula…) y, por esto, no es tan importante ni imprescindible corregirlos.

Daniel Cassany

A edición dos textos individuais será menos elaborada que a do conto colectivo. Contará con:

• Portada, onde figure a persoa autora e ilustradora
• Texto
• Ilustración
• Contraportada

Maquetación

Existen múltiples formas de maquetar o texto escrito polo alumnado. Aínda que para segundo de primaria recomendamos que o alumnado realice unha maquetación manual (analóxica), tamén é posible facela dixitalmente con aplicacións como Scribus (podes consultar este exemplo (pdf - 1.46 MB) ou os seguintes manuais: manual 1, manual 2.)

O proceso para a maquetación analóxica que propoñemos será o seguinte:

1. Corrixir e pasar a limpo, graficado ou en procesodor de textos, o borrador 1.
   Propoñemos graficalo / imprimilo en diferentes follas de papel formato A5, para facilitar a posterior integración coas ilustracións.
2. Elaborar o soporte. As imaxes que se ofrecen son con un modelo tipo caderno (ver instrucións para a súa elaboración).
3. Integrar as ilustracións e o texto
4. Inserir os elementos de portada e contraportada.

Amosamos a continuación dous exemplos do resultado da secuencia para reflexionar sobre lexibilidade, independientemente da súa calidade.

Publicación

1. Compartir o produto final (contos individuais) a través da biblioteca de aula.
2. O alumnado escribirá unha breve reseña do seu conto para publicar no blog de aula.
   (Será a persoa docente a encargada de fotografar e publicar no blog de aula os contos individuais).

Avaliación