Saltar navegación

UN PASEO POLA HISTORIA

VOLTA Á IDADE MEDIA

Hoxe en día contamos con moitas comodidades á hora de facer unha ruta como o Camiño de Santiago. Como cres que sería unha peregrinación na Idade Media? Cales cres que son as diferenzas entre un peregrino medieval e nós. Na seguinte imaxe podes ver a Zapatones, personaxe que durante décadas fotografouse cos turistas vestindo de xeito tradicional.  

Dúas fotografías de Zapatones
Carlos. Zapatones Skywalker (CC BY)

Elabora un informe detallando como sería a vida dun peregrino medieval. Non te esquezas de facer referencia a estes aspectos:

  • vestimenta e calzado.
  • aloxamento.
  • manutención.
  • presuposto.
  • comunicación.

Estudo de caso

A historia estuda a vida dos homes e mulleres ao longo do tempo, por iso ten tanta importancia o uso correcto da cronoloxía.

 Liña do tempo
Brisbane City Council. Council's timeline ar the Ekka (CC BY)

Ao longo do noso percorrido ímos atoparnos co numerosas mostras do patrimonio histórico-artístico. O reto que temos por diante é elaborar unha liña do tempo con distintos exemplos de distintas épocas históricas. A liña do tempo permítenos situar culturas, acontecementos, personaxes de xeito ordenado no tempo. Tomaremos fotografías de distintos elementos do patrimonio histórico-artístico ao longo do Camiño a Fisterra e situarémoslos na nosa liña do tempo.

RECURSOS A UTILIZAR

Para realizar a nosa liña do tempo, utilizaremos a ferramenta Dipity. Podedes consultar o titorial para que vos resulte máis doado!

COMO SE VAI AVALIAR A TAREFA?

Para avaliar esta tarefa, utilizaremos un instrumento de avaliación que se chama rúbrica. Podes consultala antes de comenzar a actividade para coñecer o que se vai avaliar e cales son os niveis que debes acadar en cada apartado que se vai avaliar. Deste xeito será máis doado saber o que debedes conseguir exactamente co voso traballo.

  • proporcionalidade entre os distintos períodos.
  • comprensión da clasificación das distintas etapas da historia.
  • boa presentación.

Licenciado baixo a Licenza Creative Commons Recoñecemento Compartir igual 4.0