TEMOS TODO PREPARADO?
A NOSA MOCHILA
Tendo en conta todo os aspectos que acabamos de traballar, toca preparar a nosa mochila con todo aquelo que necesitas para facer a ruta. Daquela, como establecer as prioridades?
- Elabora unha listaxe cos obxectos que poden ser útiles.
- Revisa e ten moi presente o estudo previo sobre as condicións meteorolóxicas esperables nas etapas.
Discute cos compañeiros a necesidade real de levar cada obxecto proposto, considerando o obxectivo de alixeirar ao máximo a equipaxe sen descoidar 
Artinfarct. Popart thinking painting (CC BY)
Comprobade que quedan cubertos os seguintes aspectos:
- Necesidades fisiolóxicas 1: nutrición (lembra que comer e beber non é todo!)
- Necesidades fisiolóxicas 2: relación (roupa lixeira pero que nos permita soportar as inclemencias do tempo, bo ou malo).
- Emerxencias.
- Material preciso para as tarefas e actividades: bolígrafo, papel, cámara de fotos, etc.
CADERNO DE BITÁCORA
Este é o último apartado da fase preparatoria para emprender o Camiño a Fisterra. Propoñémosche que adiques un tempo á reflexión do aprendido ao longo destes días.
Walt Stoneburner. Write in Journal (CC BY)
Abre unha nova sección no teu caderno de bitácora que se chame Preparemos a ruta!. De xeito individual contesta as seguintes preguntas:
- Que cousas aprendín? Que che gustou máis do aprendido?
- Con quen aprendín? Como valoras o funcionamento do grupo?
- Que recursos utilicei? Para que me serviron?
- Cales foron as dificultades que me xurdiron? Que dúbidas teño? Quen pode axudarme a resolvelas?
Licenciado baixo a Licenza Creative Commons Recoñecemento Compartir igual 4.0