7. Glosario

O Antigo Réxime é un período histórico de grande transcendencia na historia da humanidade, pois nel están os alicerces do mundo contemporáneo. É preciso dominar unha terminoloxía clara para a súa comprensión.

A	Antigo Réxime Antropocentrismo	Organización social, política e económica vixente en Europa desde finais do feudalismo (s. XVI) ata a Revolución Francesa (finais do s. XVIII Doutrina que defende que o home é a medida de todas as cousas. Foi considerado nalgúns momentos da historia como antónimo de teocentrismo.
C	Cisma	Termo grego que significa división ou separación. Xenericamente coñécese como cisma as dúas rupturas dentro do Cristianismo: 1054 (Igrexa de oriente – ortodoxos – e occidente) e entre 1378 e 1417 (a separación dos protestantes e dos anglicanos).
	Clase social	Grupo de persoas que polas súas características e polos seus intereses comúns (actividade económica, propiedades, ingresos, xeitos de vida e xeito de pensar) constitúen unha unidade homoxénea dentro dunha sociedade.
	Coresma	Período litúrxico, iniciado o mércores de Cinza, de preparación á Pascua.
	Corvea	Obriga de traballar os servos nas terras do señor ou nobre.
D	Décimo	Imposto do dez por cento das colleitas que se debía pagar ao rei ou á Igrexa.
	Despotismo Ilustrado	Forma de goberno que, malia compartir principios coa monarquía absoluta, apoia aos pensadores da Ilustración, dando aparencia de actuar segundo as súas ideas, mais sen deixar que o pobo participe na vida política. O lema deste sistema é todo para o pobo, mais sen o pobo.
G	Gravela	Antigo imposto sobre un produto e consumo xeral.
H	Heliocentrismo	Teoría que defende que a Terra e os demais planetas do noso sistema xiran ao redor do Sol.
	Humanismo	Movemento intelectual da Europa do século XV. O seu principio básico é que o home é a medida de todas as cousas, é dicir, os humanistas confían no ser humano, na súa razón e na súa capacidade para cultivar todas as ramas da sabedoría.
L	Laudemios	Dereito que se paga a un señor por venda dalgún ben.
M	Mercantilismo	Teoría económica que se basea no principio de que un estado é rico en función da cantidade de metais preciosos que posúe. Para acumular este metal precisan vender moito e mercar pouco. Trátase dun sistema que favorece a exportación e castiga a importación mediante a imposición de fortes impostos aduaneiros. Defende o intervencionismo do Estado na economía do país.
	Monarquía autoritaria	Sistema de goberno que concentra poderes e territorios e cuxos piares son: as Cortes, a burocracia, un sistema de impostos, un corpo e política diplomática, un exército único e permanente, un férreo control relixioso (no caso español a Inquisición) e un sistema económico centralizado.
	Monarquía absoluta	Poder que ostentaban os monarcas do Antigo Réxime e que consistía na concentración de poderes (xudicial, lexislativo e executivo) na figura do monarca.
	Monarquía parlamentaria	Forma de goberno na que o poder do rei está limitado polo parlamento e a constitución.
P	Pinta	Unidade de medida anglosaxona.
T	Teocentrismo	Doutrina que defende que Deus é o centro do universo, que todo o que existe foi creado e dirixido por el.
X	Xeocentrismo	Teoría astronómica que consideraba que a Terra era o centro do universo.