2.9 Álvaro Cunqueiro. Un poema
|
Quita a pucha, amigo, que xa o reiseñor vai cantando no bosque ferido de amor. Vai cantando no bosque: quen tal vivirá? As bágoas que verte mollan o seu cantar. Quita a monteira, amigo, que xa o reiseñor dixo: que cedo a lúa! ferido de amor. |
|
Cunqueiro, Álvaro, Cantiga nova que se chama Riveira, 2ª edición, 1957 |
Actividades propostas
S12. Utilice un dicionario, en soporte impreso ou dixital, e escriba o significado destas palabras que aparecen no poema: pucha, monteira.
S13. No primeiro e no noveno verso repítese a mesma palabra: quita. Que figura expresiva usa aquí Cunqueiro?
S14. Na primeira estrofa dise Que xa o reiseñor vai cantando no bosque ferido de amor, teñen os paxaros sentimentos de amor? Que figura literaria utiliza aquí o poeta?
Obra colocada bajo licencia Creative Commons Attribution Non-commercial Share Alike 3.0 License