A oca do sistema métrico decimal

A Oca do Sistema Métrico Decimal é un xogo educativo deseñado para que o alumnado automatice e domine as conversións de unidades de loxitude, masa, capacidade e volume dun xeito lúdico, dinámico e moi visual.

Inspirado no clásico xogo de taboleiro, esta versión dixital combina o avance do azar (o dado) con retos obrigatorios de cálculo e cambio de unidades, sendo ideal para traballar na aula (en encerados dixitais ou tablets) ou na casa con outros compañeiros e compañeiras. Está pensado para 2, 3 ou 4 xogadores, permitindo ademais a personalización dos seus nomes e a elección do tema de estudo específico antes de comezar.

O obxectivo principal é a motivación intrínseca: ser o primeiro xogador/a en chegar exactamente á casa final e superar a pregunta de meta. Ao longo do taboleiro de 30 casas, os participantes atoparán dinámicas tradicionais como o avance rápido ("De Oca a Oca") ou penalizacións como O Cárcere (perder unha quenda) e O Pozo (volver á casa inicial). Nas casas normais, o alumnado debe resolver un reto matemático de conversión métrica en forma complexa ou incomplexa, introducindo o valor numérico exacto; un erro na resposta penalízase facendo recuar ao xogador á súa posición de orixe. Como engadido competitivo, o xogo inclúe unha mecánica de confrontación na que, se dous xogadores coinciden na mesma casa, o acertar a pregunta permite mandar ao rival de volta á casa de saída.