Aplicación web deseñada para a aprendizaxe e práctica da descomposición factorial, o cálculo do Máximo Común Divisor (MCD) e do Mínimo Común Múltiplo (mcm). Conta cunha calculadora de descomposición en árbores de factores, xeradores de divisores e múltiplos, así como dunha sección de oitenta tipos de problemas interactivos con dous e tres elementos que avalían paso a paso o razoamento e o resultado do alumnado.

Puzle Matemático é un xogo interactivo de puzles cruzados no que o obxectivo principal é completar un taboleiro de 5X5 facendo que todas as igualdades (tanto en filas como en columnas) sexan matematicamente correctas. A finalidade é desenolver estratexias de cálculo mental. Para xogar, o usuario debe arrastrar e soltar ou facer clic nas pezas dispoñibles na parte inferior para colocalas nas casillas baleiras do taboleiro.

"A oca dos números romanos" é un xogo interactivo en formato dixital que adapta a dinámica clásica do xogo da oca a unha contorna educativa baseada nos números romanos. Con capacidade para entre 1 e 4 xogadores en modo local (permitindo tamén competir contra un opoñente controlado pola máquina), os participantes deben lanzar un dado para avanzar por un taboleiro de 30 casas ata chegar exactamente á meta.

"A Oca da Unidade Seguida de Ceros" é un xogo educativo en formato web que transforma o clásico xogo da oca nunha ferramenta interactiva para practicar o cálculo mental. Deseñado tanto para a aula coma para a casa, o seu obxectivo é que os usuarios melloren as súas habilidades en multiplicacións e divisións por 10, 100 e 1000 con números naturais e decimais, combinando o aspecto lúdico do taboleiro tradicional coa resolución de retos matemáticos de forma dinámica.

A Oca do Sistema Métrico Decimal é un xogo educativo deseñado para que o alumnado automatice e domine as conversións de unidades de loxitude, masa, capacidade e volume dun xeito lúdico, dinámico e moi visual.

A Oca das Operacións Combinadas é un xogo educativo deseñado para que o alumnado automatice e domine as regras de xerarquía das operacións e o cálculo con números enteiros dun xeito lúdico, dinámico e moi visual.

A Oca das Potencias e Raíces é un xogo educativo deseñado especificamente para que o alumnado de 1º da ESO automatice e domine o cálculo de potencias, as súas propiedades e as raíces cadradas dun xeito lúdico, dinámico e moi visual.

O Cuco – Matemáticas é un xogo educativo dixital baseado na dinámica de preguntas e respostas no que os participantes compiten por conseguir quedar sen ovos no seu niño antes que os demais.

A proposta está inspirada no comportamento do cuco común (Cuculus canorus), unha ave coñecida por depositar os seus ovos nos niños doutras especies para que sexan estas quen os incuben e críen.

Esta aplicación web está dirixida ao alumnado de Educación Primaria e ten como obxectivo fomentar o desenvolvemento do razoamento lóxico-matemático mediante retos e actividades interactivas adaptadas á súa idade. A través dunha contorna visual atractiva e intuitiva, os estudantes poderán resolver diferentes preguntas e desafíos matemáticos que lles permitirán practicar habilidades como o cálculo, a observación, a resolución de problemas e a lóxica.

Este é o REA (Recurso Educativo Aberto) número 1 -dun total de 8- elaborado no marco do proxecto cREAgal para a área de Matemáticas de 5º de Educación Primaria.