O cuco - Ciencias Sociais

O Cuco – Ciencias Sociais é un xogo educativo dixital baseado na dinámica de preguntas e respostas no que os participantes compiten por conseguir quedar sen ovos no seu niño antes que os demais.

A proposta está inspirada no comportamento do cuco común (Cuculus canorus), unha ave coñecida por depositar os seus ovos nos niños doutras especies para que sexan estas quen os incuben e críen.

O xogo combina contidos curriculares de Ciencias Sociais / Xeografía e Historia cunha mecánica lúdica que favorece a motivación, a participación activa e a consolidación das aprendizaxes.

Os cinco bloques temáticos traballados no recurso son:

1. A atmosfera e o ciclo da auga
2. A paisaxe
3. Vivimos en comunidade
4. Actividades produtivas
5. A prehistoria