Saltar navegación

4. Comezamos co reto?

 

Glosario

Escaleta


FOlio branco    Definición:

          Guión dun programa, especialmente de radio, onde se establecen os tempos, os textos, a música e outros efectos sonoros.

    Exemplo:

         A escaleta é esencial para que o podcast quede ben.

Gravando!

estudio de radio

Todo o mundo listo para gravar? Gravando, gravando!

Para, para... que aínda queda un anaco para gravar. Primeiro, lembras que este REA ten dous retos? 

Tes dúas tarefas. Ambas iguais de importantes, aínda que ben diferentes.

Por un lado descubriches que a nosa lingua ten un parente moi, moi próximo, co que compartimos moito, o portugués. E tamén coñeciches a comunidade creada polos países que a falan, a lusofonía. Que mellor que coñecer máis deses países poñendo a proba os coñecementos adquiridos neste REA?

Por outra banda, cada fase tivo o seu apartado "Cambiamos o mundo?". Un obradoiro de poesía que expuxo a túa creatividade. E agora, tes que recompilar todos os traballos, todos os poemas que creaches. 

O poemario

Este é o segundo reto deste REA.

Durante todas as fases tiveches un obradoiro de poesía. Creaches poemas de diferentes formas. Imaxinaches rimas e versos que agora debes unir no teu propio libro de poemas.

Aquí libera a túa creatividade. Podes escribir no teu ordenador e imprimir os textos ou podes escribir a man con boa letra e limpa. Tamén quedaría ben que ilustrases as túas creacións. Escolle unha boa portada e lembra... pon un bo título, rechamante e que recolla a esencia dos teus textos.

O podcast

Pasos que debedes seguir para conseguir completar o reto.

  1. Tes que reunirte co teu grupo para facer un guión do voso podcast.
  2. Tedes que buscar a información sobre a rexión ou país que vos tocou.
  3. Debedes recompilar os traballos, sobre o teu país, xa feitos na fase 3.3. "Viaxe pola lusofonía". e 3.4. "Informando".
  4. Escollede e organizade a información recompilada. Repasade a lista de cotexo que tedes no punto 4.3. para non esquecer nada.
  5. Redactade o guión do podcast. Non esquezades ter en conta que o texto ten que estar escrito para ser lido por vós e que debedes seguir o esquema dos textos expositivos. 
  6. Repartide entre todas as persoas do grupo o texto. Practicade ben. Podedes facer unha escaleta.
  7. Gravade o audio. Tentade que non pareza unha lectura. Podedes gravar por partes para que non se vos faga complicado.
  8. Montade o podcast. Poñede música, efectos de son... todo o que precisedes.

Creado con eXeLearning (Ventana nueva)