Antón, un rapaz doutro curso que me está axudando moito co podcast, díxome que a primeira lección que me tiña que dar para escribir a introdución do guión para o meu programa era que me imaxinase que tiña que describir en todo momento como me sentía, como era ou onde estaba.

-Lembra que nun podcast non te ven! -dixo facendo acenos coas mans.

Eu sei que en primaria xa estudei o que era a descrición e como se facía, pero terei que repasar para facelo ben.

Tamén me dixo que non me preocupase, que todo o que necesitaba saber ía poder repasalo neste curso. E aprender moitas cousas novas. Estou desexándoo!
Co que teño que poñerme ao día é coa dicción. Falar claro e saber onde poñer o ton de voz nunha palabra é fundamental na radio. 

Que lembras ti do alfabeto e das regras básicas de acentuación. Cantas letras hai? O nh é unha letra? Un dígrafo? Camión leva acento gráfico? Ou non o leva?

Xogamos xuntos e repasamos?