Saltar navegación

2.1. Cambiamos o mundo?

Escoitamos

Xabier Docampo no seu Cando petan na porta pola noite expresou en forma de poema os seus medos. Escoita con atención:

Pensamos

EU TEÑO MEDO... Lembras a orde dos primeiros versos?

Ordena os versos e despois cópiaos no teu caderno na orde correcta.

  • Cando petan na porta pola noite.
  • A estar só cando non quero estar só.
  • A estar no medio de moita xente.
  • A quedar só no mundo.
  • A morrer pronto.
  • A morrer estupidamente nunha estrada.
  • A tolear.
  • A que lles pase algo aos meus.
  • A que os que quero non me queiran.
  • A perder o gusto polas cousas que me gustan.
  • A ter que vivir sempre nunha cidade.
  • A que non haxa flores.
  • A que non haxa animais en liberdade.
  • A non poder mirar as estrelas pola noite.
  • A non poder mirar a paisaxe no outo.

Comprobar

Correcto!

2025312205115-60
12345
Actividade non completada#Actividade superada. Puntuación: %s#Actividade non superada. Puntuación: %s#Lista desordenada

A resposta correcta é:

Rimamos

  • Agora vas ser ti quen faga o poema cos teus medos. Escribe no teu caderno, como mínimo, oito versos cos seus respectivos medos. Acompáñaos dunha ilustración.
  • Seguindo coa creación de poemas con sentimentos, agora vas escribir no caderno dous poemas de, mínimo, seis versos cada un que comecen por:

Gústame...

Non me gusta...

Cadáver exquisito

mesa vermella redonda e nenos traballando en grupoE agora xunto coas túas compañeiras e compañeiros vas construír un cadáver exquisito. Ah, que non sabes o que é un cadáver exquisito? Ben, pois agora cho conto.

Un cadáver exquisito é un poema colectivo.

Unha persoa colle un folio e escribe o primeiro verso, dóbrao para que non se vexa e pásallo á seguinte persoa, esta escribe outro verso e así sucesivamente. Ao final desdobramos o folio e temos o noso poema.

Para axudarche, aquí tes algunhas ideas

  • Escollede un tema e escribide os vosos versos sobre el. Por exemplo: o outono.
  • Describide un personaxe seguindo unha orde (o primeiro verso, define o personaxe; o segundo indica a súa característica; o terceiro: realiza unha acción... e así sucesivamente).
  • Palabras encadeadas: escribimos o primeiro verso e deixamos á vista a última palabra; o segundo verso comeza por esa palabra e así ata o último verso da composición.

Creado con eXeLearning (Ventana nueva)