Reflexión 1

Disque un escritor ou escritora é quen escribe, pero, que é escribir? Para que escribe? Que regras debe seguir? Que tipo de linguaxe deberá empregar?

Reflexionando sobre a resposta a estas cuestións, serás quen de explicar no teu diario de aprendizaxe o que é un escritor ou unha escritora?

Reflexión 2

Tendo en conta que un escritor ou unha escritora pode dedicarse a calquera dos subxéneros literarios, reflexiona no teu diario de aprendizaxe sobre quen será un dramaturgo ou dramaturga. Ben seguro que pensades nos dramas, pero, que entendemos por drama?

• Que características teñen os textos que crea un dramaturgo ou unha dramaturga?
• Cal é o fin último destes escritos?
• Están pensados para a súa representación?
• Deben contar con notas que nos permitan saber como e onde teñen lugar os acontecementos?

E ti, cres que serás quen de te converteres en dramaturgo/a?