Resume o aprendido ao teu xeito
Chegou o momento de fiar todos os acontecementos repasados durante este proxecto.
Para iso, teredes a oportunidade de facer unha liña do tempo manipulativa, un cómic sobre os feitos históricos máis relevantes, infografías... Elixe a modalidade expresiva que máis vaia contigo e plasma o aprendido para poder repasalo ao teu xeito.
Non esquezas incluír ás personalidades galegas relevantes. Tampouco esquezas que ademais da política, na sociedade deixan unha pegada especial as persoas relacionadas co mundo da cultura e as artes tales como escritoras/es, pintoras/e, músicas/os ou arquitectas/os.
Liña do tempo Montessori
En papel continuo, con cordas de tender a roupa, e pinzas, con las ou cordas de cores. Elixide a opción que máis se axuste ao voso estilo persoal e completade e organizade estes marcadores do tempo.
Imprimídeos, co tamaño que elixades, a dobre cara. dando a volta sobre a beira curta para que se impriman en modo “postal”.
Preme na chave para descargar o documento.
Liña do tempo dixital
Podes utilizar o seguinte patrón creado en LibreOffice Calc para crear unha liña do tempo dixital de xeito seguro. Recorda gardalo no teu cartafol de traballo do PC e gardar decotío para non perder o traballo que leves feito.
Preme na chave co botón dereito do rato para descargar o documento en formato folla de cálculo (ods).
Banda deseñada
Se prefires, tamén poderás organizar o aprendido en formato de banda deseñada.
A continuación presentamos algúns formatos atopados na rede para que os utilices ou para que te inspiren na túa produción propia.
Podcast
1. Fai un guión sinxelo.
Escribe o contido de xeito breve e conciso
Inclúe algunha anécdota para faceres a narración máis amena e interesante.
2. Practica a lectura entoada.
Practica a lectura de xeito entoado.
Controla que a velocidade sexa adecuada
Fai pausas axeitadas para que a escoita sexa máis comprensiva.
3. Familiarízate co Audacity.
Pídelle axuda á túa mestra ou mestre se precisas conectar a mesa de mesturas.
Abre unha pista de audio estéreo.
Agarda a que o ambiente sexa silencioso para comezar.
Comeza a gravación premendo o círculo vermello ou a tecla R do teclado.
Agarda 3 segundos antes de comezares a falar.
4. É o teu momento.
Respira fondo, e le pausadamente e con confianza o teu guión.
Non esquezas gardar o arquivo no teu cartafol de traballo unha vez finalizada a gravación.
5. Edición de audio
É importante escoitar o arquivo resultante para cortar as tomas que non che gusten e deixar as mellores.
Posteriormente, poderás engadirlle efectos de son, ou música de fondo.
Para avaliar o voso traballo e o do resto da clase podedes axudarvos das rúbricas que están a continuación e tamén desta escala.
