Nesta fase, viaxarás no tempo! Cada viaxe e aventura estará chea de feitos históricos, aprendizaxes e diversión.

Coñecerás os diferentes feitos históricos e etapas comprendidas desde a Revolución Francesa ata a Transición. Tamén reflexionarás sobre os distintos períodos históricos e o avance da arte durante os mesmos, así como sobre as mulleres galegas máis destacadas.

Co que imos aprender nesta etapa, seredes capaces de colocar en orde os principais feitos históricos e tamén de situar as obras de arte máis importantes de cada momento. Usaremos liñas do tempo para comprender mellor como foi cambiando o mundo e como cada época tivo o seu propio estilo artístico. Así, poderedes ver como a historia e a arte van da man e contan a historia da humanidade.