Despois de viaxar a través do tempo acompañando a Martiño, logo de tocar, bailar, cantar, escoitar e crear música de diferentes épocas, chegou o momento de parar e mirar cara atrás. Como cambiou a música ao longo da historia! 

Nesta última fase, farás un pequeno alto no camiño para lembrar todo o vivido, reflexionar sobre como a música, ao igual que o tempo, nunca está quieta, senón que evoluciona e se transforma. 

É tempo tamén de valorarte polo esforzo feito, de compartir o que máis che gustou e de despedirte de Martiño e da súa viaxe musical, co orgullo de saber un pouquiño máis da historia da música e o seu poder.

A onde te levará o camiño a partir de agora?