Glosario

Coda

Icona dunha bandeira a cadros coma as que se usan nos finais dalgunhas competicións.

Definición:

É a parte final dunha obra musical.

Exemplo:

A coda da Obertura 1812 de P.I. Tchaikovsky é apoteótica, remata moi forte, con son de campás e mesmo canóns.

Musicograma

Icona de formas de cores unidas seguindo un camiño de frechas que representa un esquema.

Definición:

Esquema de cores, formas, debuxos ou símbolos que nos axuda a seguir e entender a música mentres a escoitamos.

Exemplo:

En 5º de primaria traballamos a Muiñeira de Lugo a través dun musicograma.

Ornamentación

Icona dun decorado con cores e formas que ornamentan a imaxe.

Definición:

En música, refírese ao conxunto de adornos que se engaden a unha melodía para diferenciala e facela máis interesante.

Exemplo:

Engadiulle ornamentos á melodía principal para que fose máis bonita.

Virtuosismo

Icona dunha persoa cunhas frechas azuis que indican cara arriba e unhas estrelas.

Definición:

Refírese ao dominio e habilidade técnica á hora de tocar un instrumento.

Exemplo:

O violinista rematou o concerto cun bis de Paganini moi complicado, demostrando así o seu grande virtuosismo.

Audio

A chuvia

Fotografía dunha bota pisando unha poza de auga nun día chuvioso

Vivindo en Galicia, xa sabes o importante que é a chuvia para a nosa terra, tanto, que ata nos define. Nesta fase atoparaste con dous dos capítulos do conto que teñen moito que ver con ela. A auga vai estar presente, en maior ou menor medida, e vaite acompañar nesta viaxe. A través de lecturas, de vídeos, audicións e mesmo tocando a frauta e outros coñecementos que forman parte da túa bagaxe musical, serás quen de ordenar o conto que atopaches. Ánimo! Moi pronto verás que todo encaixa e cobra sentido.

Lectura facilitada

En Galicia, a chuvia é moi importante.

A auga vai estar presente nesta aventura.

Vas ler dous capítulos dun conto.

Lerás textos curtos.

Verás vídeos.

Escoitarás música.

Tocarás e cantarás.

Vas coñecer músicas doutras épocas.

Pouco a pouco, verás que todo ten sentido.