Saltar navegación

4.2. Non hai tempo que perder

Organízate

Pictograma de tres profesionais sentados arredor dunha mesa nunha sala de traballo

En todos os capítulos do conto de Martiño puideches escoitar música da época na que tiña lugar (Barroco, Clasicismo). Para ler o conto é preciso que escollas unha destas músicas para cada capítulo que soará de fondo durante a lectura.

  1. Organizádevos en seis grupos, tantos como capítulos, repartídeos e seleccionade a música que vos guste para a lectura.
  2. Escolle unha ou varias persoas para facer as lecturas. Pode ser unha persoa por cada un dos grupos para cada capítulo.
  3. Prepara os audios seleccionados en orde de reprodución para a representación.

Ánimo! Non falta nada para a representación do conto no Fin de Curso.

Lectura facilitada

En todos os capítulos do conto de Martiño puideches escoitar música da época correspondente.

Organizádevos en seis grupos e seleccionade a música que vos guste para acompañar a lectura.

Escolle unha ou varias persoas para facer as lecturas. 

Prepara os audios seleccionados en orde de reprodución para a representación.

Ánimo! Non falta nada para a representación do conto no Fin de Curso.

Ensaio final

Pictograma dun director de orquestra coa batuta na man e os brazos en alto rodeado por figuras musicais

Recompila todas as prácticas musicais realizadas en cada un dos períodos musicais traballados. 

Despois da lectura de cada capítulo sobre a música seleccionada terás que realizar a actividade musical practicada. Por exemplo, despois da lectura do capítulo "Zoa o vento" deberás bailar o Branle, e así con todas as lecturas.

Precisas entón dun ensaio final, este é o momento. Todo preparado?

É preciso que anotes a duración aproximada de cada parte. Valo precisar máis adiante.

Non esquezas incluír a chamada que seleccionaches antes de empezar a representación.

Lectura facilitada

Recompila todas as prácticas musicais realizadas en cada un dos períodos musicais. 

Despois la lectura de cada capítulo terás que realizar a actividade musical practicada.

Deberás realizar un ensaio.

Anota a duración aproximada de cada interpretación.

Non esquezas incluír a chamada que seleccionaches antes de empezar a representación.

Escaleta

Pictograma dun folio cun listado de cinco puntos para completar e unha man enriba cun lapis para facelo

Despois do ensaio, realiza a escaleta da representación xunto cos teus compañeiros e compañeiras para que o día da representación non quede ningún cabo solto.

Realiza unha escaleta detallando a lectura de cada capítulo xunto coa audición escollida que a acompaña de fondo. Rexistra tamén as diferentes interpretacións vocais, instrumentais e de danza. Todo en estrita orde para evitar dúbidas no momento da representación. Non esquezas pór a duración aproximada de cada unha das intervencións.

Preme na imaxe para descargar a escaleta.

Fotografía da primeira páxina da escaleta da representación final que teñen que completar

Lectura facilitada

Realiza a escaleta da representación xunto cos teus compañeiros e compañeiras.

Rexistra  as lecturas de cada capítulo xunto coa audición escollida que a acompaña de fondo.

Rexistra tamén as diferentes interpretacións vocais, instrumentais e de danza.

Todo en orde e coa duración aproximada de cada unha das intervencións.

Preme na imaxe para descargar a escaleta.

Feito con eXeLearning (Nova xanela)