1. Que tempos!

Glosario

Orde cronolóxica

Definición:

É o xeito de organizar os feitos ou acontecementos seguindo a súa orde no tempo, comezando polo máis antigo ata o máis recente.

Exemplo:

Na clase de ciencias fixemos un mural dos inventos máis importantes en orde cronolóxica para entender como evolucionou a tecnoloxía ao longo dos séculos.

Período musical

Icona dun pergamiño cun reloxo diante e unha frecha sinalando o retroceder do tempo, simboliza un período pasado.

Definición:

É unha parte da historia da música, que dura varios anos e ten un estilo propio e características similares.

Exemplo:

Bach é o compositor máis coñecido do período musical do Barroco.

Audio

A maxia do tempo

Imaxe dun home nun camiño que atravesa un bosque. É a imaxe coa que empeza o REA e funciona como metáfora do inicio

O tempo é unha palabra máxica.

Pode traer chuvascos ou un sol radiante, ventos suaves ou treboadas ruxidoras.

Pero tamén marca o ritmo dunha canción, a pausa antes dun forte, ou a velocidade que fai bailar unha melodía.

E non só iso: o tempo é tamén historia, é o camiño que percorremos dende o pasado ata o presente, pasando por mosteiros, cortes, teatros e incluso cines.

O noso tempo vital tamén está latente en cada un dos trazos que nos define fisicamente. Desde que naces o teu corpo vai medrando ao mesmo tempo que medran as aprendizaxes e as experiencias vitais. Para o ser humano o seu tempo e finito mais, o tempo en si, non o é.

E se xuntamos todos estes tempos nun mesmo proxecto?

Nesta situación de aprendizaxe imos facer unha viaxe polo tempo en todas as súas formas.