Até o de agora tes todo ensaiado e o lugar da festa acordado. Participaches na batucada e coñeces as partituras. Ensaiaches todos os pasos de baile da cumbia, o chachachá, o merengue e a salsa. Na sesión de música latina vas desempeñar un único papel. Pero como membro dun grupo, o da túa clase, chegou o momento de diversificar traballos.

Ti e os teus compañeiros e compañeiras debedes repartirvos nas seguintes funcións:

• alumnado que vai tocar a batucada.
• alumnado que vai bailar como modelo no lugar disposto para tal fin.
• alumnado que axuda aos participantes na sesión cos pasos na pista de baile.
• persoas que se encargan da lista de reprodución.