O patio en festa
O reto que se che presenta consiste en organizar, xunto co resto do alumnado da túa clase, unha festa no patio na que interpretarás e bailarás os estilos da música latina que se escoitan nas festas galegas. Como o vas facer?
Estes son os pasos que terás que seguir:
- Acordarás co teu grupo clase o lugar idóneo do patio para celebrar a festa.
- Traballarás distintos matices e cambios de tempo a través da práctica instrumental e a audición activa.
- Compoñerás unha batucada, en tempo de Entroido, que funcionará como interludio entre os diferentes estilos de música latina.
- Programarás pequenas sesións de ensaio no que ensinarás os pasos básicos dos bailes latinos.
- Organizarás unha sesión de música latina na que se tocarán e bailarán todos os estilos propostos.
Lectura facilitada
O reto consiste en realizar unha festa con música latina.
Pasos:
- Elixir un lugar no patio para a festa.
- Traballarás distintos matices e cambios de tempo con instrumentos e audicións.
- Compoñerás unha batucada.
- Programarás ensaios dos pasos básicos.
- Organizarás unha sesión de música latina na que se practicará todo o traballado.