O Chachachá
Breve historia
O chachachá é un estilo musical de orixe latino, máis concretamente cubano.
Foi creado por Enrique Jorrín, músico, compositor e director de orquestra, nos anos 50.
Provén do danzón, un estilo de danza nativa cubana e de orixe africana. Polo tanto, pódese dicir que o chachachá ten orixes afrocubanas.
Recibiu o seu nome polo son dos pés dos bailaríns do estilo, ao moverse.
Características
Acostuma a ter un compás de 4/4 cunha estrutura no baile que consiste en facer dous movementos lentos seguidos de tres rápidos e unha pausa (chachachá).
Está interpretado musicalmente pola agrupación de charanga, grupo reducido de músicos con instrumentos de vento e percusión.
Na percusión, podemos atopar instrumentos coma as congas, os bongós, timbais, chocallo, güiro ou maracas.
Tamén conta con instrumentos de vento como as trompetas, trombóns ou saxofóns. Dependendo das agrupacións e da contorna, cabería tamén a posibilidade de atopar pezas con pianos e ata baixos eléctricos.
Intérpretes
Enrique Jorrín e a súa orquestra: “La engañadora”
Celia Cruz: “Muñecas del chachachá"
Tito Puente: “Oye como va”
Orquesta Aragón: “El bodeguero”
Caridad Cuervo: “Venus”
Lectura facilitada
Breve historia:
- Estilo musical de orixe cubano.
- Creado por Enrique Jorrín nos anos 50.
- Provén do danzón, estilo de danza cubana de orixe africana.
- Recibiu o seu nome polo son dos pés ao moverse.
Características:
- Compás de 4/4 e estrutura de dous movementos lentos seguidos de tres rápidos e unha pausa (chachachá).
- Interpretado pola charanga, grupo reducido de músicos con instrumentos de vento
como trompetas, trombóns ou saxofóns, e percusión como congas, bongós, timbais, chocallo, güiro ou maracas. - Tamén conta con pianos e ata baixos eléctricos.