Definición:
Lugar no que se atenden e coidan persoas maiores que só abre durante o día.
Exemplo:
O meu avó xoga as cartas polas mañás no centro de día.
Definición:
Cada unha das páxinas nunha presentación dixital.
Exemplo:
A presentación do tema de Historia tiña 10 diapositivas.
Definición:
Taller para a aprendizaxe práctica dunha actividade creativa.
Exemplo:
Anoteime nun obradoiro de cerámica.
Se a creación do deporte alternativo e o torneo foi o éxito que todas e todos esperabades, por que non presentarllo a outras persoas?
Podedes elixir presentarllo a outros cursos, a rapazas e rapaces doutros centros educativos, aos clubs deportivos locais ou a calquera entidade ou persoa que se vos ocorra.
Xuntádevos todo o grupo e debatede entre todas as persoas para chegar a unha conclusión e decidir a quen queredes que chegue a información do voso novo deporte.
Por que non presentarlle o voso deporte a outras persoas se resultou ser un éxito?
Podedes elixir presentar o voso deporte a calquera entidade ou persoa que se vos ocorra.
Debatede entre todas as persoas para chegar a unha conclusión.
Decidide a quen queredes que chegue a información do voso novo deporte.
En función da decisión anterior, na que exististes a quen daredes a coñecer o voso deporte, agora teredes que elexir como presentalo.
Hai múltiples maneiras de mostrar o voso novo deporte. A continuación, expóñense varios exemplos que podedes escoller para presentar o voso deporte:
Todo o que explicastes na infografía do apartado 3.4 "creando o voso deporte" pero máis desenvolvido nunha presentación con diapositivas dixitais.
O máis fácil, porque xa tedes a infografía feita despois do apartado 3.4 "creando o voso deporte".
Un documento de texto en formato .pdf con todos os aspectos do regulamento (espazo, tempo, número de xogadoras e xogadores, material, puntuación, faltas etc.) e o material.
Un vídeo que resuma as regras. Pode ser un bo complemento visual ao documento de texto ou á presentación, de maneira que pode observarse o regulamento coas imaxes dun partido ou facer un titorial de autoconstrución do material.
Se queredes tomade como exemplo dous vídeos dun deporte alternativo chamado quadball. Un vídeo explicando o deporte e outro de autoconstrución do material:
E unha vez deseñada a presentación do deporte, por último, teredes que decidir a través de que medio facelo: a páxina web do centro, un blog, as redes sociais do centro...
Agora teredes que elixir como presentar o deporte.
Tede en conta a quen decidistes que irá dirixida a presentación.
Hai moitas formas de presentar o deporte.
A continuación, tedes varios exemplos para presentar o voso deporte:
Toda a información que explicastes na infografía pero máis desenvida con diapositivas dixitais.
O máis fácil. Xa tedes a infografía feita despois do apartado 3.4 "creando o voso deporte".
Un documento de texto en formato .pdf con todos os aspectos do regulamento e o material.
Un vídeo que resuma as regras. O vídeo complementa o documento de texto ou a presentación. Pode ser sobre as regras do deporte ou de autoconstrución do material.
Exemplo: dous vídeos dun deporte alternativo chamado quadball. Un vídeo explicando o deporte e outro de autoconstrución do material:
Para rematar decidide a través de que medio presentar o deporte: a páxina web do centro, un blog, as redes sociais do centro...
Despois de realizar o torneo do voso deporte alternativo e de presentalo a outras persoas, por que non dar un paso máis no vindeiro curso?
Agora que xa tedes experiencia na organización dun torneo estaría xenial que vos animedes a facer un evento que saia fóra das portas da clase. Aquí tedes algúns exemplos para que deixedes voar a vosa imaxinación:
O día da Educación Física na Rúa (DEFR) é unha cita anual para visibilizar a importancia da actividade física e o deporte, levando a Educación Física fóra dos colexios e institutos, con actividades nos espazos públicos de aldeas, vilas e cidades. Que vos parece se presentades e xogades ao voso deporte ese día?
Actividade na que expliquedes o voso deporte e elaboredes o material para despois xogar algún partido. Podería ser nun centro de día ou nunha residencia con persoas maiores, nun club deportivo, nunha asociación de veciños, na celebración dalgunha festa...
A organización dun torneo nos recreos, durante o último día do trimestre ou aproveitando algunha celebración.
Un torneo xogando ao voso deporte con rapazas e rapaces doutros colexios e institutos. Estaría xenial que tamén vos ensinasen outro deporte creado por elas e eles.
Xa presentastes o deporte. Por que non dar un paso máis no vindeiro curso?
Estaría xenial que vos animedes a facer un evento fóra da clase. Aquí tedes algúns exemplos:
O día da Educación Física na Rúa é un evento que se fai unha vez ao ano para dar importancia á actividade física e ao deporte. Consiste en facer actividades físicas nos espazos públicos de aldeas, vilas e cidades.
Que vos parece se presentades e xogades ao voso deporte o día da Educación Física na Rúa?
Actividade na que expliquedes o voso deporte e elaboredes o material. Despois xogaredes un partido
A actividade pode ser nun centro de día ou nunha residencia con persoas maiores, nun club deportivo, nunha asociación de veciños, na celebración dalgunha festa...
A organización dun torneo nos recreos, durante o último día do trimestre ou aproveitando algunha celebración.
Un torneo xogando ao voso deporte con rapazas e rapaces doutros colexios e institutos.
Estaría xenial que tamén vos ensinasen a vós outro deporte creado por elas e eles.
Licenciado baixo a Licenza Creative Commons Atribución Non-comercial Compartir igual 4.0