Se pensades un segundo no voso día a día descubriredes que sodes una auténticos creadores de contido. Enviades mensaxes, escribides anotacións, facedes audio e editades vídeos. Esta é a forma na que elaboramos o noso tecido comunicativo onde todos participamos. Pero é un tecido particular con características específicas que imos analizar nesta sección.
Obxectivo: O obxectivo desta actividade é seleccionar unha imaxe que o grupo considere que representa o tipo de texto que producen as intelixencias artificiais.
Dinámica da Actividade:
Reflexión Individual: Cada membro do grupo debe pensar rapidamente nunha imaxe que represente os textos producidos por intelixencias artificiais. A continuación, cada un debuxará a súa imaxe de forma esquemática nunha folla de papel.
Presentación de Imaxes: Unha vez que todos rematen os seus debuxos, cada membro do grupo presentará a súa imaxe ao resto do grupo, explicando brevemente por que elixiu esa representación.
Selección da Mellor Imaxe: Despois das presentacións, o grupo discutirá e tratará de chegar a un consenso sobre cal é a mellor imaxe que representa a textualidade dixital. Se o desexades, podedes combinar elementos das diferentes imaxes para crear unha imaxe composta que inclúa símbolos de todos.
Votación (se é necesario): Se o grupo non logra chegar a un acordo sobre a mellor imaxe, levarase a cabo unha votación. Cada membro do grupo deberá puntuar cada unha das imaxes presentadas cos seguintes puntos: 1, 2, 3 e 4. A imaxe que obteña a maior puntuación será a gañadora.
Debuxo Final e Presentación: Unha vez seleccionada a imaxe gañadora, o grupo encargarase de realizar un debuxo final máis elaborado desa imaxe. Ademais, redactaredes un pequeno texto que explique a imaxe e o seu significado en relación cos textos que producen as intelixencias artificiais.
Licenciado baixo a Licenza Creative Commons Atribución Compartir igual 4.0