Círculo de ideas: Que libros ou películas relacionas coas IA?
- Duración:
- 10
- Agrupamento:
- Grupos (3-4 persoas)
Para comprobar que coñecementos e ideas tedes nos vosos equipos sobre as novelas, películas, series ou cómics que representaron no imaxinario cultural as IA, imos contruír un pequeno mapa de ideas previas.
Organización:
- Os estudantes organizados en grupos pequenos (3-4 persoas) forma un círculo. Un dos seus membros actúa como anotador.
- A pregunta inicial aparece no encerado ou proxectada nunha pantalla: Que novela, película, serie ou comic coñeces no que esté presenta unha IA coma personaxe?
- Cada estudante ten 1 minuto para compartir unha idea mentres os demais escoitan atentamente.
- O anotador rexistra as respostas clave nunha folla compartida.
Despois de completar o pequeno círculo, cada grupo rexistra as obras de ficción comentadas, valoran se realmente están a falar das IA ou de ideas relacionadas e redacta unha lista. As obras mencionadas pódense presentar brevemente ao resto da clase nunha ronda en círculo grande de cara a elaborar un mapa de toda a clase coas obras que coñecen que tratan o tema.
Participar activamente na actividade de debate. Agradecede a información achegada xa que permite iniciar a vosa exploración.
Tomade nota de se cada estudante tivo a oportunidade de expresarse e escoitar as ideas dos seus compañeiros.
Revisade tamén se:
- Existiu un ambiente de confianza e colaboración, onde todos puideron participar.
- O límite de tempo para falar incentivou que as respostas fosen ao principal e se se amosou capacidade de síntese.
- A selección das obras citadas cumpren co tema que se está a tratar.
Continuade fomentando o intercambio de ideas e asegurádevos de que o clima sexa cómodo e agradable para que todo o mundo comparta o seu punto de vista e poida intercambiar o que sabe.
Excelente traballo!