Cacharreando
Dende logo que o son está formado por ondas... non si? No ámbito musical, cando dous sons comparten a mesma frecuencia de vibracións dicimos que están afinados. Pero... que é iso afinar?? Pois ben, afinar á un procedemento de escoita no que tentamos emparellar dous sons modificando as características dun deles para que se aproxime o máximo posíbel ao outro, que teremos como referencia. Calqueira son pode ser afinado, xa sexa un instrumento musical, a nosa propia voz ou outro elemento sonoro no que poidamos variar as súas frecuancias de vibración.
Na música establecéronse unhas referencias para cada nota que forma a escala musical, como xa coñecemos, de maneira que tódalas persoas que desexen tocar xuntas, independentemente do instrumento que empreguen, o poidan facer sen problema. Deste xeito cando toquen a mesma nota, soará exactamente o mesmo son.
Na seguinte actividade imos empregar todo o potencial das novas tecnoloxías, unha ferramenta especialmente útil para repasar a altura como calidade do son, ao mesmo tempo que pasamos un bo momento! Picade na seguinte lapela para coñecer todas as indicacións.
Táboa de frecuencias de vibración (Hz)
Instrucións
Para realizar a actividade empregaremos o OSCILLATOR do Laboratorio Musical de Google. Simplemente deberedes comprobar, coa axuda da táboa anterior, que as frecuencias das notas dos arquivos de audio correspóndense cos números que aparecen (Hz). É dicir, que cando reproducides unha das notas da escala musical e movedes o avatar ata ese número concreto de vibracións... pois ambos sons soan iguais! Que están afinados, vaia!
Afinando coas notas da escala
Comprobamos!
Deseguido atoparedes as notas que compoñen a escala musical, que son arquivos de audio que podedes reproducir. Prestade moita atención a como soa cada nota, e ao mesmo tempo que a escoitades deberedes empregar o voso avatar dixital escollido para AFINAR os dous sons!
Velaquí atoparedes os arquivos de audio coas notas da escala musical:
Nota DO
Nota RE
Nota MI
Nota FA
Nota SOL
Nota LA
Nota SI