Definición:
Grupo criminal que protexe os seus propios intereses.
Exemplo:
Capone era un membro da mafia italiana.
Definición:
Que non dispón de medios ou recursos suficientes.
Exemplo:
Os traballadores vivían en situacións precarias.
Definición:
Especialista no desenvolvemento das sociedades humanas.
Exemplo:
O sociólogo determinou que non era un comportamento axeitado.
Lewis Hine, sociólogo e fotógrafo documental estadounidense inmortalizou, coa súa cámara, menores traballando nas minas de carbón, plantacións e fábricas téxtiles, denunciando a crueldade do sistema. As súas fotografías convertéronse en ferramentas para a denuncia das condicións de vida dos inmigrantes nos EUA, así como a explotación laboral, conmovendo a opinión pública e fomentando a introdución de reformas lexislativas. Entre elas a prohibición do traballo infantil.
En 1930, Hine documentou a construción do Empire State Building subindo cos obreiros a centos de metros de altura para retratar as súas caras, dignificando a súa valentía e o seu esforzo físico.
Podedes ver máis fotografías na galería de Wikipedia.
Hoxe en día a explotación camúflase baixo contratos laborais precarios e longas xornadas laborais que afectan sobre todo a colectivos vulnerables e sectores tradicionais (agricultura, hostalería, traballos do fogar...).
Entre os colectivos máis afectados están:
Para combater esta situación é preciso aumentar o control e a inspección laboral, así como os plans de protección das vítimas.
Lewis Hine foi un sociólogo e fotógrafo dos Estados Unidos.
Lewis sacou fotos de nenos e nenas que traballaban nas minas.
Tamén sacou fotos de nenos en fábricas de roupa e no campo.
Estas fotos serviron para denunciar que o traballo era moi cruel.
As fotos de Lewis ensinan como vivían as persoas que viñan de fóra.
Moita xente sentiuse moi triste ao ver estas fotos.
Por iso os gobernos fixeron leis novas moi importantes.
Unha destas leis prohibiu o traballo dos nenos e das nenas.
No ano 1930 Lewis fixo fotos dun edificio moi alto en Nova York.
Lewis subiu moitos metros de altura cos obreiros.
Lewis quería ensinar o esforzo e a valentía dos traballadores.
Podes ver máis fotos de Lewis na ligazón á galería de fotos de Lewis Hine.
Hoxe en día o mal trato no traballo aínda existe.
Hai persoas que teñen contratos moi malos e traballan moitas horas.
Isto pasa moito no campo ou no traballo dentro das casas.
As persoas que máis sofren estes problemas son estas:
Para amañar isto hai que vixiar máis as empresas e os traballos.
Tamén hai que facer plans para protexer as vítimas.
Licenciado baixo a Licenza Creative Commons Atribución Non-comercial Compartir igual 4.0