Haikus
Ao remate de cada fase, na sección do diario de aprendizaxe, convidámoste a que crees un haiku!
O haiku é unha composición poética de orixe xaponés que consta de tres versos de cinco, sete e cinco sílabas respectivamente.
Emprega unha linguaxe sensorial para plasmar un sentimento ou imaxe. Orixinalmente, os poetas buscaban inspiración a través da natureza como experiencia emotiva.
Pasos:
Paso 1. Organiza a estrutura básica:
- Primeiro verso: 5 sílabas.
- Segundo verso: 7 sílabas.
- Terceiro verso: 5 sílabas.
Paso 2. Pensa na temática:
- Inspírate en elementos da natureza.
- Describe unha sensación ou emoción.
Paso 3. Perfecciona o estilo:
- Emprega unha linguaxe sinxela, sen adornos excesivos.
- Evita explicar o significado.
Paso 4. Fai unha lectura en voz alta:
- Esa é a idea que queres transmitir?
- Reflicte algún elemento da natureza?
Lectura facilitada
Neste REA vas escribir un haiku no teu diario.
O haiku é un tipo de poesía de Xapón.
Esta poesía ten tres versos.
O primeiro verso ten cinco sílabas.
O segundo verso ten sete sílabas.
O terceiro verso ten cinco sílabas.
Usa palabras que falen dos sentidos para explicar un sentimento.
Tamén podes usar palabras que falen dunha imaxe.
Os poetas buscan ideas na natureza para escribir.
A natureza axuda a explicar as emocións.
Sigue os pasos do cadro verde.
Audio
Exemplo
