Definición:
Reunión de persoas competentes nunha determinada materia.
Exemplo:
Ese asunto tivo que ser tratado no foro, dada a súa importancia.
Definición:
Publicar algo de xeito oficial.
Exemplo:
O alcalde promulgou unha nova lei sobre a adquisición de terras.
Definición:
Asegurar algo de xeito firme.
Exemplo:
Ratificou a compra da súa vivenda.
Imaxina que es un deses elefantes grises que sobreviviu. Como sería a vida da manda? Pensa como poderías facer para que todos estean ben e ninguén sufra.
Realiza a dinámica seguindo estes pasos:
Imaxina que es un elefante gris que se salvou.
Como é a vida de todos os elefantes xuntos?
Pensa que podes facer para que todos estean ben.
Pensa que podes facer para que ninguén sufra.
Fai este traballo seguindo estes pasos:
Coa actividade anterior establecéronse cales son para vós as necesidades básicas que todo ser humano ten para vivir con dignidade, é dicir, os Dereitos humanos.
De igual xeito que no conto, na vida real as consecuencias das guerras evidenciaron ao longo da historia a necesidade extrema de protexer a dignidade humana. Tras a bomba de Hiroshima (1945) e as atrocidades da Segunda Guerra Mundial (1939-1945) que deixaron máis de 50 millóns de mortes, houbo un consenso global para fundamentar a paz e a dignidade das persoas. Con este propósito creouse a Organización das Nacións Unidas (ONU), un foro onde os países puideran resolver os seus problemas dende o diálogo e a cooperación sen recorrer ás armas. É aí onde se crean dous dos piares dos dereitos internacionais, consolidados nos seguintes documentos:
Coñece máis sobre estes dous documentos nos seguintes botóns.
Co traballo de antes aprendiches que as persoas teñen necesidades básicas.
Cubrir estas necesidades serve para vivir con dignidade.
Estas necesidades chámanse Dereitos humanos.
As guerras fan moito dano ás persoas.
As guerras ensinan que é moi necesario protexer a xente.
No ano 1945 tiraron unha bomba en Hiroshima.
Tamén tivo lugar a Segunda Guerra Mundial.
Nesa guerra morreron máis de 50 millóns de persoas.
Despois da guerra todos os países quixeron buscar a paz.
Os países quixeron respectar a dignidade das persoas.
Por iso naceu a Organización das Nacións Unidas.
O nome curto desta organización é ONU.
Na ONU os países falan para amañar os seus problemas.
Na ONU os países axúdanse sen usar as armas.
Alí escribiron dous documentos moi importantes:
Este documento di como hai que tratar as persoas.
Os gobernos do mundo prometen respectar estas normas.
Este documento recolle os dereitos das persoas con menos de 18 anos.
Este documento serve para protexer os nenos e nenas.
Preme nos botóns para saber máis sobre estes documentos.
A Declaración Universal dos Dereitos Humanos é un documento elaborado en 1948, tras a Segunda Guerra Mundial, pola Organización das Nacións Unidas (ONU) co obxectivo de protexer os dereitos básicos e liberdades fundamentais de todas as persoas do mundo. Nela establécense 30 dereitos interdependentes (conectados entre si) e indivisibles (todos teñen a mesma importancia) relacionados coas necesidades básicas das persoas e as normas para convivir en sociedade. Están baseados nos principios de dignidade, respecto mutuo e igualdade e considéranse a base da xustiza, a liberdade e a paz.
Queres coñecer os teus dereitos? Accede á declaración a través da ligazón:
Declaración Universal dos Dereitos Humanos do 10 de decembro de 1948.
A declaración universal dos dereitos humanos é un documento de 1948.
Foi creada pola Organización das Nacións Unidas (ONU) despois da Segunda Guerra Mundial.
O seu obxectivo é protexer os dereitos básicos de todas as persoas.
A declaración ten 30 dereitos.
Estes dereitos están conectados entre si e todos teñen a mesma importancia.
Tratan necesidades básicas e normas para vivir en sociedade.
Os dereitos baséanse en dignidade, respecto mutuo e igualdade.
Os dereitos son a base da xustiza, a liberdade e a paz.
Podes coñecer os teus dereitos accedendo á declaración a través da ligazón.
A pesar de existir a declaración dos dereitos humanos, como a infancia require dunha protección oficial, o 20 de novembro de 1989 promulgouse a Convención sobre os dereitos do neno. Nela recóllense as normas mínimas que deben de cumprirse para garantir a dignidade da infancia. É o tratado de dereitos humanos máis ratificado da historia.
Baséase en catro principios xerais:
Podes indagar máis sobre eles nesta páxina:
A infancia necesita protección oficial.
Por iso, o 20 de novembro de 1989 aprobouse a Convención sobre os dereitos do neno.
A Convención recolle as normas para garantir a dignidade da infancia.
É o tratado de dereitos humanos máis ratificado da historia.
A Convención baséase en 4 principios xerais:
Todas as persoas deben vivir e alcanzar o seu máximo potencial.
Todas as persoas son iguais, sen importar a cor de pel, relixión ou procedencia.
As opinións dos nenos e nenas deben ser tidas en conta.
Calquera decisión que afecte a infancia debe buscar o mellor para elas.
Podes coñecer máis sobre estes dereitos na páxina da Convención sobre os dereitos do neno.
Os dereitos humanos pódense agrupar en categorías. Preme sobre as iconas activas da imaxe para ver un resumo dos mesmos.
Se queres escoitar este contido, preme no reprodutor:
Dereito á vida, á liberdade, a non sufrir discriminación, tortura nin escravitude.
Dereito á protección e á igualdade ante a lei, á presunción de inocencia e a un xuízo xusto.
Dereito a participar na vida cultural da comunidade.
Dereito a que se respecte a intimidade, o domicilio e a vida familiar; dereito á educación, ao ocio, ao descanso e á saúde.
Dereito a unha nacionalidade, á seguridade social, a un traballo, á vivenda e a un nivel de vida que asegure a saúde e o benestar.
Dereito ao voto e á liberdade de expresión, de crenzas e de asociación.
Estes son algúns dos dereitos humanos. Como ves, trátase de defender a dignidade das persoas ante abusos e inxustizas que, por desgraza, continúan a acontecer en moitas partes do mundo.
Agora que xa coñeces máis sobre os teus dereitos, observa as seguintes imaxes e intenta relacionar cada unha delas con un ou varios dereitos que cres que están sendo vulnerados.
Consulta os documentos anteriores se o precisas.
Ao rematar, comenta as túas eleccións co resto da clase e expresa que emoción che provoca cada unha das imaxes.
Se queres escoitar este contido, preme no reprodutor:
Agora que xa coñeces os dereitos humanos busca, na prensa local ou nacional (papel ou dixital), noticias sobre problemas concretos da nosa sociedade onde se vexan vulnerados algúns dos dereitos humanos.
Despois explica no teu caderno un dos dereitos humanos fundamentais relacionado con esa noticia.
Por último, xúntate co teu grupo para ir pescudando sobre o teu reto!
Agora xa coñeces os dereitos humanos.
Busca noticias sobre problemas da nosa sociedade.
Podes buscalas en xornais de papel ou na internet.
Busca noticias onde non se respecten os dereitos humanos.
Escolle unha noticia e explica un dereito no teu caderno.
Despois xúntate co teu grupo para traballar no voso reto.
Facede unha lista dos dereitos que teñen relación co voso tema.
Buscade noticias que falen destes dereitos.
Para iniciar a pescuda de noticias, podes acceder á sección de noticias destas dúas páxinas. Unha delas pertence a unha institución moi importante e a outra a unha das ONG máis recoñecida en todo o mundo pola súa loita combatendo os abusos contra os dereitos humanos.
Licenciado baixo a Licenza Creative Commons Atribución Non-comercial Compartir igual 4.0
