Radiofórmula:
Formato de radio no que se reproducen as cancións máis populares do momento. Tamén se realizan concursos coa audiencia e se expoñen os temas máis relevantes da actualidade.
Exemplo:
Ese artista é moi famoso, escoito a súa canción varias veces ao día na miña radiofórmula favorita.
Que divertido é o verán, as vacacións e por suposto, a praia!
A música tamén forma parte dos teus veráns, mesmo a radiofórmula anuncia "aínda non escoitaches o éxito deste verán?".
Co paso do tempo, volves escoitar esa canción e parece que viaxas no tempo. De súpeto estás de novo na praia xogando a facer castelos de area.
Pero non é doado facer un castelo. A area non pode estar nin moi seca nin moi húmida.
Unha vez que tes os materiais comezas: fas a estrutura, o foso, se cadra un túnel, engades algunhas cunchas, pos unha pluma no tellado, e así ata que vén a auga e volve todo ao seu sitio.
Compoñer unha canción é igual que construír un castelo de area.
Non é xuntar elementos ao chou, senón seguir un plan:
Entón, o proceso de organizar todos estes elementos (ritmo, melodía, harmonía e matices) para crear unha obra nova e coherente chámase compoñer.
Que divertido é o verán, as vacacións e a praia!
A música tamén forma parte dos teus veráns, como os castelos de area
Ao escoitar unha canción podes viaxar no tempo.
Facer unha canción é tan divertido como construír un castelo de area.
Podes xogar cos seguintes elementos: ritmo, melodía, harmonía e matices.
Este proceso chámase compoñer.
Compoñer unha canción é un proceso moi persoal. Cada artista ten o seu método.
Podes cambiar de método segundo o instrumento que teñas nas mans: un piano convida a facer melodías complexas, mentres que unha guitarra pide acordes máis rítmicos.
O máis curioso da música? Que aquí si podes comezar a casa polo tellado.
Existen unha serie de elementos cos que podes xogar para compoñer unha canción: melodía, harmonía, ritmo, textura e timbre.
A melodía é a parte principal dunha peza, interpretada polo instrumento ou voz solista. É o que cantas cando lembras unha canción.
Se pensas no "Parabéns para ti", esa liña de notas que cantaruxas é a melodía.
Moitos compositores empezan imaxinando esta melodía e despois constrúen o resto debaixo.
A harmonía é a base sobre a que se sustenta a melodía.
Está formada por acordes, polo menos tres notas que soan á vez, que producen cor e sensacións (alegría, tristura ou tensión).
Case todas as cancións que escoitas usan tres acordes básicos sobre a 1.ª, 4.ª e 5.ª nota dunha escala: tónica, subdominante e dominante.
O ritmo é un dos elementos máis importantes dunha canción, especialmente na música pensada para bailar.
Consiste en como se ordenan os sons no tempo, combinando partes fortes e débiles.
Cando unha peza ten un patrón rítmico que se repite constantemente e serve de guía chamaraslle clave.
Aínda que unha casa é un edificio que pode ser fermoso por dentro, o primeiro que a xente ve ao chegar é o xardín.
No caso dunha composición podes considerar que o xardín serían o timbre e a textura.
O primeiro que percibes ao escoitar unha composición é o instrumento que o interpreta, por exemplo unha voz, unha trompeta ou un xilófono.
A textura é a relación entre as diferentes voces, que poden combinarse de diferentes xeitos, igual que as flores dun xardín.
Cada persoa ten o seu método para compoñer.
O máis curioso da música? Que aquí si podes comezar a casa polo tellado.
Se comparas construír unha casa e compoñer:
A melodía é a liña de notas principal e máis lembrada dunha canción, e adoita ser o primeiro que os compositores imaxinan para despois construír o resto da peza.
A harmonía é a base que sustenta a melodía. Está formada por acordes (tres ou máis notas á vez) que producen diferentes cores e sensacións como tónica, subdominante e dominante.
O ritmo ordena os sons no tempo alternando partes fortes e débiles. É vital para bailar e, cando un patrón rítmico serve de guía constante, coñécese como clave.
O primeiro que se percibe. O timbre identifícase co son particular do instrumento ou voz que interpreta a peza, mentres que a textura define como se combinan as diferentes liñas musicais.
Seguro que che pasou: pos algo de música pola mañá, soa un clásico como We will rock you de Queen, e xa non hai volta atrás.
Freddie Mercury acompáñate no autobús, no recreo e ata ao saír do colexio.
Por moito que queiras, non deixas de cantaruxar ese ritmo e esa letra tan pegadiza.
Pero isto non é casualidade, é arquitectura musical.
As cancións non son bloques sólidos, teñen diferentes partes nas que pode repetirse a melodía ou o texto, así son máis fáciles de lembrar.
É o "ola" da canción. Trátase da parte que dá comezo a unha canción.
En moitos casos é unha parte instrumental para preparar ao oínte e marcar o estilo.
Aquí é onde se conta a historia. A estrofa aparece varias veces ao longo dunha canción, pero normalmente, mantense a melodía pero varía o texto.
É o corazón da canción. É a parte máis importante, a máis pegadiza e a que sempre se repite igual (letra e melodía).
Usualmente é a parte que máis veces se repite, de xeito que é máis doado que fique na memoria das persoas.
É unha parte que rompe a monotonía. Serve para conectar o retrouso cunha parte nova ou para dar un descanso antes do final. Adoita soar diferente ao resto.
Normalmente mantén o mesmo texto e a mesma melodía, pero non ten a sensación de clímax do retrouso.
É o peche da canción. Trátase dun engadido que presentan algúns temas ao finalizar a canción.
Pode ser un esvaecemento progresivo ou un final explosivo, con elementos escoitados anteriormente, pero sempre ten un carácter conclusivo.
Nas cancións de pop ou rock a voz ten sempre maior protagonismo, pero existen diferentes partes onde destacan os instrumentos.
.jpg "A tiny train set (28451214614).jpg")
Agora que xa coñeces os elementos que compoñen unha canción, imos poñer mans á obra! O teu reto será debullar a estrutura do teu tema favorito dun xeito moi visual.
Que tes que facer?
Reflexionaches sobre as emocións que provoca a música e aprendiches a diferenciar entre acordes maiores e menores.
Analizaches un pódcast para coñecer as partes máis comúns da súa estrutura.
Tamén descubriches os elementos que compoñen unha canción.
É o momento de ir ao teu diario de aprendizaxe e reflexionar sobre o traballo realizado.
Licenciado baixo a Licenza Creative Commons Atribución Non-comercial Compartir igual 4.0