Actividade
Despois de tanto traballo individual, chega o momento de traballar en equipo.
Xunto cos teus compañeiros e compañeiras, en grupos de 4 ou 5 persoas, deberás poñerte de acordo para elixir un persoeiro sobre o que realizar unha biografía.
Igual que co poema, contaredes cunha rúbrica que vos permitirá saber exactamente que debe conter o voso traballo.
Non esquezas, e recórdallo aos teus compañeiros e compañeiras, que debedes seguir todos os pasos!
Adiante! Traballando en equipo quedará un resultado marabilloso!
Lectura facilitada
Agora toca traballar en grupo.
Xunto a 4 ou 5 compañeiros, escollede un persoeiro para facer a súa biografía.
Tedes unha rúbrica para saber que debe levar o traballo.
Non esquezades seguir todos os pasos.
Ánimo! O resultado será xenial!
Audio
Ollo!
A biografía pode ser elaborada nos seguintes formatos:
- Formato dixital: realizando unha presentación en PowerPoint, LibreOffice, Impress, Canva...
Se elixes, xunto co teu equipo, esta opción, a biografía será gardada na cápsula do tempo facendo uso dun USB.
- Formato físico: realizando un documento escrito.
Neste caso, sodes libres de escoller a súa presentación. Recorda que os documentos escritos poden ser textos, presentarse en forma de mural facendo uso de imaxes, esquemas...