Levando a teoría á práctica

Tendo claros os pasos a seguir, chega o momento de aplicalos.

No teu caderno, de forma individual, deixarás voar a túa imaxinación para elaborar un poema no que sigas as instrucións do cadro anterior.

Ten en conta que esta produción será gardada na cápsula do tempo, converténdose así na túa achega á perdura e ampliación da cultura galega.

Para facer máis doado o teu traballo, aquí tes a seguinte rúbrica, que che permitirá coñecer todo o que o teu poema debe conter.

Ánimo!

Lectura facilitada

Agora toca escribir un poema no teu caderno, ti só.

Sigue as instrucións do cadro anterior.

O poema gardarase na cápsula do tempo para coidar a cultura galega.

Podes mirar a rúbrica para saber que debe ter.

Ánimo!

A biblioteca está sempre a túa disposición!

Se precisas dun pouco de inspiración, non dubides en acudir a ela en busca de libros que che axuden a elaborar a túa obra!

Biblioteca Libros de poesía e arte Ter unha idea

Rúbrica para a avaliación da realización dun poema
	Excelente	Moi ben	Ben	Precisa mellorar
Escolla do tema e creatividade	O tema é orixinal e está ben desenvolvido. Ademais mostra unha gran creatividade. (2,5)	O tema é axeitado e interesante, cun toque creativo. (1,75)	O tema é axeitado pero está pouco desenvolvido. Non fai uso da creatividade. (1,5)	O tema é pouco preciso ou non está ben desenvolvido. Non emprega a creatividade. (1,25)
Uso da rima e recursos literarios	Usa rima e recursos literarios (metáforas, anáforas, ...) e de forma creativa. (2,5)	A rima e os recursos literarios son axeitados e están ben empregados. (1,75)	A rima e os recursos literarios son limitados e pouco coherentes. (1,5)	Non se usan recursos literarios ou son mal empregados. (1,25)
Proceso de escritura (borrador e revisión)	O borrador está ben desenvolvido e mellorado ao pasar a limpo. (2,5)	O borrador mostra algúns erros, pero o poema mellorou na revisión. (1,75)	A revisión foi limitada, cunha mellora mínima do poema. (1,5)	Non se fixo revisión ou mellora significativa no poema. (1,25)
Ortografía e presentación	A ortrografía e a presentación están coidadas e apenas hai erros. (2,5)	A ortografía e a presentación son moi boas, con poucos erros. (1,75)	Hai algúns erros ortográficos ou a presentación é algo desorganizada. (1,5)	Hai moitos erros ortográficos e a presentación é descoidada. (1,25)

Elaboración propia - Proxecto cREAgal. Rúbrica para a avaliación da realización dun poema (CC BY-NC-SA)