Agora que xa coñeces as características da lírica e os elementos e procesos dun feito comunicativo, encamíñaste correctamente cara á consecución do reto. Cando se viaxa é importante coñecer o lugar que visitas e iso implica coñecer a lingua que alí se fala. Esa é a base do reto.

As linguas son códigos que serven para comunicármonos, de feito son un dos códigos máis empregados. Xa que cun número moi limitado de elementos (fonemas) es capaz de construír infinitos enunciados.

Somos quen de chegar a facer mensaxes moi complexas. Mesmo somos quen de empregar eses códigos lingüísticos para expresar o que sentimos. E aquí aparece a lírica.

Os poemas son parte fundamental da literatura dunha lingua. Xa que é unha das manifestacións literarias máis numerosas da literatura popular. E a literatura popular conforma un dos principais piares da identidade dun pobo.

O reto consiste na creación dun documento onde se recolla información dunha lingua dun territorio concreto. Sabela lémbrache o que levas facendo ata agora:

Na fase 1 viches diferentes linguas peninsulares e actualmente ti e o teu grupo tedes asignada, xa, unha desas linguas.

Na fase 2 viches os elementos da comunicación e a lírica.

Nesta fase repasaremos as linguas e a lírica a través de poemas traducidos e diferentes reflexións.

Ao rematar esta fase xa estarás a só un paso do reto!