1.2. Como logramos o reto?

Glosario

Definición:: É unha actividade que realizamos para que o resto de persoas se den conta de algo importante e lles mostremos maneiras de cambialo ou melloralo.
Exemplo:: A exposición para pedir melloras para o cambio climático ensinoulle a meu irmán a importancia de reciclar.

Definición:: Revisión que podemos facer para axudarnos a ver como coidamos o medio ambiente. Pode facerse na escola, na casa e noutros sitios.
Exemplo:: Despois de facer a ecoauditoría na nosa casa, démonos conta de que deixabamos as luces acendidas moito tempo.

O voso reto final será elaborar unha campaña de concienciación sobre o cambio climático. Para iso ides a:

- Coñecer a importancia de coidar o planeta.

- Aprender a observar datos e entendelos para tomar boas decisións.

- Crear campañas que inflúan nos demais.

- Descubrir como funciona o clima e que cambios están a acontecer.

- Comprender como desprazarse sen facer dano á natureza.

Antes de arrancar neste camiño cara unha vida máis sostible cubre estes cadros:

O que sei: reflexiona sobre o que sabes sobre o cambio climático e a importancia das campañas de concienciación.
O que quero saber: Pensa nas preguntas que tes sobre como funciona o cambio climático e como podemos contribuír á frealo.

O terceiro cadro deixámolo para cubrir ao final do noso camiño.

O que aprendín: Cando chegues ao final do camiño completa esta sección para ver que aprendiches.

Podes descargar a ficha e cubrila. Lembra gardala ao remate. Consulta co profesorado o xeito de cubrila.

Versión de "O camiño para salvar o planeta" accede ao documento premendo en imprimir
Versión de "O camiño para salvar o planeta" accede ao documento premendo en cubrir no ordenador (máis sostible).

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

Antes de comezar convídote a pasar polo teu diario de aprendizaxe.

Este diario vaite acompañar ao longo de todas as fases e che irá mostrando todo o que vas conseguindo de cara a completar o reto.

Sigue sempre as instrucións para cubrilo porque ás veces hai que cubrilo en grupo pero outras é individual.

Adiante! A comezar!