Saltar navegación

1.1. Que imos aprender?

 

Glosario

Cambio climático

Pictograma que representa o cambio climático na terra a través da sinalización de que a temperatura está subindo

Definición:

Aumento das temperaturas no planeta terra causados polas accións contaminantes. A contaminación vai creando unha capa de gases arredor da terra que fan o efecto de unha manta moi grosa.

Exemplo:

Reciclando o lixo, contaminamos menos e reducimos os efectos do cambio climático

Campaña de concienciación

Personas abrazadas detrás de un cartel.

Definición:

Conxuntos de mensaxes ou actividades que se fan para mostrar as persoas algo que non se está facendo ben e ensinarlles como se pode facer mellor. A maioría das veces ten que ver con cuestións que lle afectan a toda a sociedade ou a unha parte dela.

Exemplo:

Faremos unha campaña de concienciación para mellorar a recollida de lixo no patio.

Comunidade

Pictograma que representa a comunidade educativa a través da imaxe de un neno, unha nena, unha nai, un pai, unha profesora e un profesor

Definición:

Grupo de persoas cun interese común.

Exemplo:

A comunidade da escola está formada polo alumnado, as persoas que traballan na escola e as familias.

Medio ambiente

Pictograma que representa un paxaro, unha flor, unha montaña e un lago como parte do medio ambiente

Definición:

O medio ambiente son as plantas, os animais, a auga, o aire, a terra e as persoas. Somos todos os seres vivos e a natureza que existimos na terra.

Exemplo:

Debemos axudar a parar o cambio climático para protexer o medio ambiente.

Proposta de reto

Monicreque mirando uns paneisVivimos nun mundo que cambia a gran velocidade. O cambio climático está afectando aos ecosistemas, o clima e as persoas de maneiras que xa non podemos pasar por alto.

Neste recurso, tedes un reto importante: levar a cabo unha campaña de concienciación na nosa escola. Esta campaña poderá ser no formato que cada grupo escolla: carteis, documentos informativos ou vídeos.

Deste xeito, aprenderedes sobre o impacto que teñen os vosos actos no medio ambiente e exploraredes como podemos contribuír a mellorar a situación. O obxectivo final será chamar a atención da vosa comunidade sobre a urxencia de protexer o planeta.

Ao longo deste camiño, investigaredes, reflexionaredes e traballaredes xuntos para crear unha campaña que sexa clara e inspiradora, e que vos axude a comprender que cada acción, por pequena que sexa, é importante.

Preparádevos para ser os defensores da Terra!

Lectura facilitada

O mundo no que vivimos está cambiando moi rápido.
O cambio climático cambia os ecosistemas e o clima.
Non podemos ignoralo.

Temos un desafío importante:

Crear unha campaña de sensibilización.

Poderá ser en diferentes formatos.

Mentres a facemos aprenderemos:

  • Como as cousas que facemos afectan ao medio ambiente
  • Como mellorar o que facemos para que afecte menos

O obxectivo final é que todo o cole se de conta de que o planeta necesita axuda

Axudaremos a que a xente saiba como axudar.

Para conseguir este obxectivo debemos:

  • Investigar
  • Reflexionar
  • Crear unha campaña de sensibilización

Necesitades axuda?

Para deseñar a vosa propia campaña de concienciación ides ter en conta varios aspectos.

Aquí tedes algunhas ideas:

  • A mensaxe da campaña debe ser claro e fácil de entender.
  • A campaña debe ser emocionante e inspiradora.
  • É necesario que a campaña poida chegar a todos.
  • Os materiais da campaña deben ser accesibles e sostibles.

Lectura facilitada

A campaña que imos deseñar debe cumprir con estas características:

  • Ter unha mensaxe clara
  • Ter unha mensaxe fácil de entender
  • Ser emocionante e inspiradora
  • Que podan recibila todas as persoas
  • Os materiais deben ser sostibles
  • Os materiais deben ser accesibles.

Cal é a meta do voso reto?

Ó finalizar o reto seredes quen de...

  1. Coñecer os climas e a realidade do cambio climático.
  2. Analizar un climograma.
  3. Facer experimentos científicos.
  4. Entender que é o movemento sostible.
  5. Crear unha campaña de concienciación.
  6. Planificar accións de concienciación.

Creado con eXeLearning (Ventana nueva)