3-3-2- Exercicio de conectores
Actividade
Observa os conectores e os marcadores discursivos resaltados no seguinte texto e indica os valores que expresan.
Na miña opinión Fole ten razón, a televisión é, quizais, o maior progreso deste século. Antes de que aparecese, os medios de comunicación eran principalmente a prensa e a radio. Cada un ten as súas vantaxes e as súas desvantaxes. Os xornais e a prensa escrita en xeral teñen como punto forte que podes ler e reler unha e outra vez a noticia, pero, pola contra, sempre recibimos as noticias tarde (como mínimo un día, a menos que o xornal teña edición de tarde).
A radio ten de bo que é inmediata, pero tan só son palabras, non vemos a realidade. A televisión supera a estes dous medios de comunicación xa que é practicamente inmediata e ten son e imaxes.
Exercicio
Sitúa os seguintes valores dos conectores onde corresponda:
adición, concesión, dúbida, explicación, introdución, negación, oposición, progreso textual, recapitulación, remate do discurso, restrición.