2-1- Con que intención nos comunicamos?
Con que intención nos comunicamos?
Basicamente, comunicámonos con tres intencións:
Para informar de algo, sen intentar cambialo ou modificalo. Para iso construímos textos que denominamos informativos. Un exemplo: a previsión meteorolóxica.
Para conseguir algo ou incitar ao interlocutor a realizar algunha acción. A ese tipo de textos podémolos denominar directivos. Un exemplo: un anuncio de lotería.
Para expresar o que se sente. Denominámolos textos expresivos. Un exemplo: unha declaración de amor.
A intención comunicativa. Informar, incitar ou expresar?
A intención nas oracións
En primeiro lugar, algo moi básico, é sabermos recoñecer a intención comunicativa que expresan as distintas modalidades oracionais. Así, segundo a actitude do emisor da mensaxe, as oracións poden ser:
Enunciativas (afirmativas ou negativas)
Interrogativas (directas totais- se a resposta requirida é si ou non-, ou directas parciais -se se pregunta por unha parte)
Dubitativas
Desiderativas
Imperativas ou exhortativas
Exclamativas
Queres comprobar os teus coñecementos?
Identifica nas seguintes oracións a actitude do emisor:
Imaxina a seguinte escena:
Raquel e o seu fillo Xoel están convidados á casa duns amigos. Levan unha torta e outras lambetadas, mais as cousas non lles foron de todo ben na cociña, pois Xoel non sabía que o chocolate branco da lacena estaba reservado para a torta e papouno; cando súa nai foi botar man del, ulo?. Raquel sabe que xa van con retraso e está un pouco anoxada. Como non pode con todo, dálle a bandexa da torta de chocolate a Xoel, ben envolta en papel, para que a leve até o coche. Mentres pecha a porta, a nai dille:
-E se che parece, agora vas e dáslle a volta!
Cal é a intención de Raquel?
-Que Xoel teña conta da torta e non a estrague.
- Que Xoel poña a bandexa do revés.
A intención. Enunciado interrogativo
Indica o tipo de oración interrogativa de que se trata (directa ou indirecta):