7. Glosario

C

• Caducifolio

De follas caducas, que se renovan cada ano.

• Condicións fisicoquímicas

Conxunto de factores ambientais (temperatura, humidade, tipo de substrato, salinidade, ...) que determinan as características non vivas do ecosistema.

• Continuidade

Non interrupción.

E

• Elo

Cada un dos elementos relacionados entre si que serven para dar orixe ou explicar algo.

• Emigrar

Cando se fala de animais: cambiar de lugar, polo xeral en épocas fixas, en busca de mellores condicións de supervivencia (alimento, temperatura, ...).

• Estrato

Cada un dos niveis ou das capas en que se pode agrupar un conxunto de elementos e que está por debaixo ou por riba doutro conxunto de elementos da mesma natureza.

F

• Fisioloxía

Ciencia que estuda o funcionamento órganos e dos tecidos dos seres vivos.

• Fluxo

Movemento dun fluído de xeito continuado.

H

• Humus

Materia orgánica do solo, de cor marrón escura e aspecto terroso, formada polos residuos vexetais descompostos ou en vías de descomposición, aos que se engaden en menor medida restos animais.

I

• Interactuar

Actuar conxuntamente e influíndose mutuamente.

• Irradiar

Facerse máis extensa, perderse no exterior.

M

• Materia inorgánica

Compostos químicos formados por distintos elementos, entre os que non é maioritario o carbono, e que se forman pola acción de procesos físicos ou químicos.

• Materia orgánica

Compostos químicos formados fundamentalmente por carbono unido a outros elementos. O grao de organización da materia orgánica é superior ao da materia inorgánica. Os compostos orgánicos naturais proceden dos seres vivos.

•  Morfoloxía

Estudo das formas dos organismos vivos e da súa evolución.

N

• Nivel trófico

Conxunto de organismos dun ecosistema que ocupan un lugar equivalente na cadea trófica. Todos os produtores, organismos que realizan a fotosíntese, pertencen ao mesmo nivel trófico

P

• Pendente

Inclinación.

• Porcentaxe

Proporción dunha cantidade ou magnitude con respecto a outra, avaliada en xeral con respecto á cen. A parte que corresponde se o total é cen.

• Prole

Conxunto dos fillos dunha familia. Descendencia.

R

• Reciclaxe

Rexenerar, transformar (un material xa usado) para volver a utilizalo.

S

• Salinidade

Concentración de sal nun medio.

• Sector de círculo

Parte dun círculo comprendida entre dous raios e o arco entre os mesmos.

• Sistema de coordenadas

Conxunto de valores que permiten definir exactamente a posición dun punto no espazo.

V

• Variable

Que pode variar. Que pode tomar distintos valores.

• Variable dependente

Que está determinada polos valores que toma a variable independente.

•  Variable independente

Que toma valores que non están determinados nin condicionados por outros.