2.1.4 O correo electrónico (e-mail)

O enderezo

Outra ferramenta moi empregada en internet e o correo electrónico.É un sistema moi rápido que permite o movemento de cantidades importantes de información. Permite anexar ou xuntar ficheiros de texto e gráficos.

Para empregar o correo electrónico temos que dispor dun provedor de correo que, pola súa vez, nos ha permitir empregar un enderezo de correo e un portal (páxina web) que dá acceso a un xestor de correo que permite o tráfico de mensaxes.

As mensaxes están no provedor ata que o usuario abre a súa conta e pasan ao seu computador. Os servidores de correo poden ser empresas informáticas, como Yahoo, Wanadoo, etc., organismos oficiais, como a Xunta, as universidades, empresas de acceso telefónico, etc.

Se non dispomos dun enderezo de correo podémolo conseguir de balde en calquera dos moitos servidores de internet: Hotmail, Yahoo, etc.

Os enderezos de correo electrónico gardan certo parecido cos das páxinas web. Constan de dúas partes:

Abrir unha conta e usar o correo electrónico

 Xuntar ficheiros a mensaxes

O correo electrónico tamén se pode empregar para xuntar ficheiros. Isto é enviar, ademais do texto do correo, algún documento de texto, imaxe, etc., que teñamos previamente elaborado.

O sistema é sinxelo. Na ventá en que escribimos o correo, eliximos a opción de xuntar. Abrirase outra ventá, onde procuraremos o ficheiro para xuntar, e entón seleccionarémolo.

Ao mandarmos o correo tamén se inclúe o ficheiro sinalado, que pode abrirse á súa recepción seleccionándoo co botón esquerdo do rato.