Vial-Test

Vial-Test é un recurso dixital en contorno web pensado para que o alumnado demostre, de maneira lúdica, os seus coñecementos sobre educación viaria. A aplicación estrutúrase en vinte pantallas que reúnen un total de 200 preguntas organizadas por bloques temáticos (como o papel do peón, o acompañamento ao condutor, o uso da bicicleta ou os diferentes sinais de tráfico) e inclúe máis de 250 imaxes optimizadas para garantir un funcionamento áxil. Cada pantalla presenta dez cuestións con catro opcións de resposta e incorpora un sistema visual inmediato de acertos e erros, co obxectivo de facer a experiencia máis motivadora. A ferramenta pode empregarse como avaliación diagnóstica ou final, sempre complementada por explicacións previas, materiais audiovisuais ou actividades de aula relacionadas co tema.