Empezamos!

Como podemos saber onde estamos e como informar aos demais de onde se atopa ese punto? Pode que non sexa moi difícil cando se trata dun territorio pequeno e ben coñecido, pero si cando se trata de territorios grandes. Empezaremos lembrando nocións básicas de orientación e localización na superficie terrestre. Pon atención, que terás que poñelo en práctica.

Para poder situarnos no espazo temos que tomar como referencia os puntos cardinais, que son os sentidos ou direccións que serven para situarnos nun lugar no mapa. Esta imaxe que tes abaixo é a rosa dos ventos, que mostra de maneira simbólica os puntos cardinais principais e secundarios. 

	PUNTOS CARDINAIS N: NORTE S: SUR E/L: LESTE O/W: OESTE NE: NORDESTE/NORDÉS SE: SUESTE NO: NOROESTE SO: SUROESTE	ADXECTIVOS SETENTRIONAL MERIDIONAL ORIENTAL OCCIDENTAL NORORIENTAL SURORIENTAL NOROCCIDENTAL SUROCCIDENTAL