Desde sempre, un dos problemas da humanidade foi situarse no espazo terrestre. Saber onde estamos, localizar lugares de interese, medir as distancias, o tempo da viaxe... son cuestións que aínda hoxe compartimos as persoas.

As ferramentas máis útiles e importantes para responder a esas preguntas son os mapas que se poden definir como representacións da superficie terrestre sobre un plano conforme a unha escala e a un modo de proxección. Os primeiros eran sinxelos e non sempre precisos, pero co paso do tempo os avances técnicos permitiron trazar mapas máis completos e correctos.

Tamén contamos na actualidade coas aplicacións informáticas, que nos facilitan moito as cousas, pero que non podemos usar de forma óptima se non sabemos interpretar a información que nos proporcionan os mapas tradicionais. Sabes que XEOGRAFÍA é a ciencia que estuda a Terra (xeo: terra; grafía: descrición)? Gústache mirar os mapas? Para que serven? Mira o seguinte vídeo:

O traballo que desenvolverás axudarache non so a aumentar o teu coñecemento xeográfico senón tamén a acadar determinados obxectivos dos ODS; entre eles: 4 (educación de calidade), 5 (igualdade de xénero), 15 (vida de ecosistemas terrestres) e 17 (alianzas para acadar obxectivos).