Estilo de arte que non representa a realidade de xeito obxectivo e formula un enfoque distinto das cousas.
Exemplo:
A arte abstracta comezou a inicios do século XX.
Art Déco
Definición:
Estilo artístico con influencia nas artes a partir do 1920.
Exemplo:
A Art Déco deixou obras moi importantes que reflicten as características propias do estilo.
Compás
Definición:
Ferramenta que ten dous extremos que se axustan para poder medir e para realizar curvas regulares.
Exemplo:
O compás permite realizar múltiples medidas en xeometría.
Cubismo
Definición:
Corrente artística de inicios do śeculo XX que achegaba ideas contrarias ás naturalistas da realidade e usaba figuras xeométricas.
Exemplo:
As obras que pertencen ao cubismo mesturan cores e figuras xeométricas.
A xeometría que alimenta a arte
Se miramos ao noso redor, veremos que a xeometría forma parte da nosa vida cotiá: nos edificios, nas rúas, nas obras de arte e ata na natureza. A próxima vez que vexas unha cidade con rañaceos, fíxate en como as súas formas xeométricas e a perspectiva fan que pareza máis impresionante. Coa axuda do compás e das figuras xeométricas, podemos crear arte marabillosa, igual que fixeron grandes artistas inspirados en Nova York, como Georgia O'Keeffe.
A arte e a arquitectura de Nova York están cheas de formas xeométricas. Se observamos edificios como o Chrysler Building, veremos moitos triángulos, arcos e liñas rectas. Ese estilo é o Art Déco, que seguro que recordas, e que buscaba representar a modernidade e o avance da sociedade a través da xeometría e as cores metálicas.
Moitos estilos artísticos empregaron formas xeométricas como base das súas obras:
- O cubismo empregaba cubos, cilindros e outras formas básicas para representar obxectos desde diferentes puntos de vista. - A arte abstracta utilizaba figuras xeométricas simples para crear composicións cheas de expresión e emoción. - No Art Déco, as liñas rectas e as formas xeométricas daban sensación de luxo e velocidade.
Lectura facilitada
A xeometría está moi presente na nosa vida diaria.
Vela nos edificios, nas rúas, nas obras de arte e na natureza.
Cando vexas unha cidade con edificios moi altos, fíxate nas súas formas.
As formas xeométricas e a maneira de mirar desde abaixo semellan máis grandes.
Co compás e coas figuras xeométricas tamén facemos arte.
Moitas artistas usaron estas formas de crear cadros.
Un exemplo é Georgia O'Keeffe.
Esta artista inspirouse na cidade de Nova York.
A arte e a arquitectura de Nova York teñen moitas formas xeométricas.
Por exemplo, o edificio Chrysler ten triángulos, arcos e liñas rectas.
Este estilo chámase Art Déco.
O Art Déco utiliza a xeometría e as cores metálicas para mostrar modernidade e progreso.
Audio
Apoio visual
En busca da inspiración
Para poder levar o noso reto a bo termo e conseguir unha auténtica cidade suspendida, precisamos facer como as grandes artistas e conseguir inspiración. Georgia O'Keeffe inspirouse na cidade onde viviu, Nova York, para poder crear moitas das súas obras. Nós podemos viaxar de maneira virtual para obter inspiración e crear una obra marabillosa.
Dividídevos en equipos de 4 persoas e buscade imaxes de cidades e rañaceos que vos resulten inspiradoras, que vos atraian polas súas formas ou cores, que vos resulten interesantes pola disposición dos seus edificios...
Imos imprimir todas esas fotos e colocalas nun mural que teremos presente durante todo o proceso, servíndonos de inspiración. Podedes engadir outras cousas que vos resulten interesantes:
— Manchas de cores que vos apetece empregar.
— Anacos de diferentes papeis ou cartóns con diferentes texturas coas que vos apeteza experimentar.
— Las, cintas, papel celofán... todo aquelo que pensedes que pode facer máis interesante á vosa cidade, todas as cousas que poden enriquecer a vosa obra.
Será moi interesante ir engadindo elementos a medida que avanzamos co reto, e telo presente durante a creación da cidade final.
Lectura facilitada
Buscamos inspiración.
Queremos facer unha Cidade Suspendida.
Inspirarse é buscar ideas para crear algo.
Georgia O’Keeffe inspírase en Nova York.
Nova York é unha cidade con edificios moi altos.
Agora nós buscamos ideas para facer a nosa cidade.
Non viaxamos de verdade.
Facemos unha viaxe virtual.
Unha viaxe virtual é cando buscamos cousas en internet.
Que temos que facer?
Formade grupos de 4 persoas.
Cada grupo busca imaxes de cidades e edificios altos.
Buscade imaxes que vos gusten polas cores, formas e a colocación dos edificios.
Imprimimos esas fotos.
Pegámolas nun mural.
O mural queda na aula todo o tempo.
Recorremos a el mentres creamos a cidade.
Podemos engadirlle cousas ou:
- Manchas de cores para usar.
- Papeis ou cartóns con diferentes texturas.
- As texturas son como se nota algo ao tocalo.
- La, cintas, papel celofán ou calquera outro material.
Todo o que pensedes é boa idea para unha cidade bonita.
