Glosario

Arte

Definición:: Forma de expresión pola que se crean obras de valor estético para o que se requiren certos coñecementos.
Exemplo:: O seu último cadro é unha obra de arte e está exposta no museo municipal.

Instalación artística

Definición:: É un xénero de arte contemporáneo dos anos 60 no que a obra está por riba de aspectos formais. Normalmente utilízanse directamente os espazos de exposicións de arte.
Exemplo:: A instalación artística que máis me gustou foi a que vimos en Ámsterdam.

Perspectiva

Definición:: Modo de presentar os obxectos nunha superficie plana de maneira que se distingan tres dimensións.
Exemplo:: Para realizar un debuxo en perspectiva teremos en conta varios aspectos entre os que está o punto de fuga.

Profundidade

Definición:: Fondura que existe entre a parte inicial e o final de algo.
Exemplo:: Descoñezo a profundidade do lago pero din que é un dos máis profundos do lugar.

Xeometría

Seis figuras xeométricas: círculo, triángulo, pentágono, cadrado, octógono e rectángulo

Definición:: É a rama das matemáticas que trata as formas e o lugar que ocupan.
Exemplo:: Na xeometría podemos ver distintas figuras como por exemplo o triángulo, o rectángulo ou a circunferencia.

Cidades suspendidas entre arte e xeometría

Vista da paisaxe de Manhattan desde arriba; ao fondo, o Empire State Building.

Neste proxecto propoñémosche unha viaxe creativa chea de imaxinación, cores e formas. Imos explorar como a arte e a xeometría poden ir da man para crear algo único: unha cidade suspendida, soñada por ti e o teu equipo.

A través de distintas actividades, coñecerás a obra da artista Georgia O'Keeffe, aprenderás a empregar a perspectiva para dar profundidade aos teus debuxos e mergullaraste no mundo do deseño técnico, onde as liñas e as figuras xeométricas teñen moito que dicir.

Combinaremos arte, matemáticas e expresión creativa. O reto final será que deseñar e crear unha instalación artística que represente a túa propia cidade suspendida. Será coma construír un soño no aire, mesturando ideas, sentimentos e formas xeométricas.

Prepárate para observar, imaxinar, crear e compartir!

Lectura facilitada

Neste traballo faise algo moi especial.

Crear unha cidade no aire, coma nun soño.

Aprenderedes cousas sobre:

- A arte e a pintora Georgia O'Keeffe.

- A xeometría e como usar as figuras.

- A perspectiva, para facer debuxos con fondo.

- E tamén un pouco de deseño técnico.

Ao final, ti e o teu grupo faredes unha instalación artística.

É coma construír unha cidade máxica.

Comezamos?

1. A arte que nos rodea