O xogo é esencial para o desenvolvemento das persoas. A través del aprendemos, compartimos momentos con outras persoas, comunicámonos e pasámolo ben, sexa en Galicia, en Marrocos ou no Brasil. Non importa o lugar, todos os nenos e nenas do mundo xogan porque o xogo é como unha lingua máxica que nos une. 

Pero hai tempo, os rapaces e as rapazas xogaban a outras cousas diferentes ás actuais. Hai anos, por exemplo, xogábase moito máis na rúa, no campo, nas prazas... case calquera lugar e material servíalles para xogar. O xogo na rúa era a súa forma de desfrute, pero tamén a súa forma de aprendizaxe, que lles servía para, ademais de aprender moitas habilidades, para ocupar o seu tempo libre de xeito activo e saudable.

Pero pouco a pouco chegaban novos xogos, novas actividades con tecnoloxía máis moderna e a rapazada ía deixando de xogar a eses xogos que antes tanto se practicaban. Algúns foron desaparecendo e outros pasaron a practicarse cada vez menos.

Aquí comezaredes unha pequena viaxe no tempo, a cal vos levará a distintos recunchos de Galicia, de España e do mundo e que vos ensinará eses xogos tan emocionantes que facían que a rapazada xogase horas e horas.

Os xogos populares son xogos moi coñecidos e practicados por moitas persoas, pero poden variar co tempo ou segundo o lugar.

• Adoitan ser actuais ou reinventados, aínda que algúns veñen da tradición.
• Son moi comúns e accesibles, pero non sempre teñen un gran valor histórico.
• As regras poden cambiar segundo quen xoga ou onde se xoga.
• Pódense facer con obxectos do día a día.

Algúns xogos populares son:

Os xogos tradicionais son xogos moi antigos, transmitidos de xeración en xeración. Forman parte do patrimonio cultural dun pobo.

• Teñen raíces históricas ou culturais profundas.
• Xeralmente transmítense oralmente, sen estar escritos.
• Conservan normas fixas ou formas de xogarse bastante semellantes ao longo do tempo.
• Están moi vinculados á cultura e costumes locais.

Algúns xogos tradicionais son: