A túa viaxe ata conseguir organizar a xornada terá as seguintes paradas:

1. Recordarás o que sabes xa sobre xogos tradicionais e danzas e bailes de diferentes lugares.
2. Descubrirás e practicarás xogos e bailes de Galicia, España e o mundo.
3. Analizarás a multiculturalidade que existe na túa escola: cantos países conviven, curiosidades dos mesmos etc.
4. Escollerás e organizarás os xogos tradicionais que formarán parte da xornada multicultural.
5. Bailarás unha peza que mesturará diferentes tipos de danzas populares para realizala na xornada.
6. Levarás a cabo a xornada multicultural no teu colexio.
7. Avaliarás e reflexionarás sobre todo o que aprendiches na viaxe.